«Synočak, ty ŭ mianie adzin». Maci z Dubroŭna prosić 18‑hadovaha syna viarnucca z rasijskaj armii i źviartajecca da Łukašenki
Žycharka Dubroŭna zapisała emacyjnaje videazvarot paśla taho, jak jaje 18‑hadovy syn Maksim razam ź siabram tajemna źjechaŭ u Rasiju i padpisaŭ kantrakt na ŭdzieł u vajnie suprać Ukrainy, zaŭvažyŭ telehram-kanał «Vitiebsk, ja hulaju!»
Małady čałaviek skazaŭ maci, što jedzie da siabra na dzień naradžeńnia z načleham, a paźniej paviedamiŭ, što znachodzicca na vučobie. Adnak užo ŭ paniadziełak vyśvietliłasia, što abodva chłopcy pierasiekli miažu i zaklučyli kantrakty z rasijskaj armijaj.
Pavodle słoŭ žančyny, Maksim tłumačyć svoj učynak žadańniem zarabić hrošaj, dapamahčy maci i viarnucca hierojem. Ciapier jon jašče vychodzić na suviaź i prachodzić miesiačnuju vajskovuju padrychtoŭku, paśla jakoj jaho pavinny nakiravać u zonu bajavych dziejańniaŭ. Maci śćviardžaje, što ŭ kazarmach znachodzicca šmat takich ža 18‑hadovych biełarusaŭ, jakija nie ŭśviedamlajuć, kudy trapili. Jana pierakananaja, što maładych ludziej metanakiravana schilajuć da padpisańnia kantraktaŭ.
Žančyna sprabavała damahčysia viartańnia syna, adnak, pavodle jaje słoŭ, u biełaruskaj milicyi joj patłumačyli, što ničym nie mohuć dapamahčy, pakolki Maksim užo dasiahnuŭ paŭnalećcia. Jana źviarnułasia niepasredna da Łukašenki z pytańniem, čamu biełaruskim junakam dazvalajuć padpisvać kantrakty i adpraŭlacca na vajnu, adkul jany mohuć nie viarnucca.
U svaim zvarocie maci zaklikaje inšych baćkoŭ bierahčy synoŭ, a maładych biełarusaŭ — nie zhadžacca na prapanovy rasijskich vajskoŭcaŭ. Naprykancy videa jana źviartajecca niepasredna da Maksima:
«Synočak, ty ŭ mianie adzin. I mnie ničoha nie treba ŭ hetym žyćci, akramia ciabie. Ja chaču, kab ty byŭ žyvy i zdarovy».
Žančyna spadziajecca, što syn ubačyć hety zapis i vierniecca dadomu žyvym.
«Vy — miasa». 37‑hadovy budaŭnik ź Pinska pajechaŭ na zarobki ŭ Pieciarburh, a apynuŭsia ŭ šturmavoj hrupie pad Sudžaj
Były ŭdzielnik pratestaŭ z Babrujska, jaki paźniej vyśmiejvaŭ «źbiehłych» i chvaliŭ Rasiju, zahinuŭ na vajnie va Ukrainie
«Červa» z Baranavičaŭ pratrymaŭsia na froncie niapoŭnyja dva miesiacy. Siamji ciapier adzin kłopat — jak aformić hrabavyja
Były ślesar vajskovaj čaści ŭ Pleščanicach išoŭ na rekord pa kolkaści sudzimaściaŭ — ale źnik u pieršym ža miasnym šturmie
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
«Synočak, ty ŭ mianie adzin». Maci z Dubroŭna prosić 18‑hadovaha syna viarnucca z rasijskaj armii i źviartajecca da Łukašenki13
«Synočak, ty ŭ mianie adzin». Maci z Dubroŭna prosić 18‑hadovaha syna viarnucca z rasijskaj armii i źviartajecca da Łukašenki
Advakat Alaksandr Danilevič: Mianie adviali ŭ kletku na KPP i začytali ŭkaz dla słužbovaha karystańnia pra pamiłavańnie pa prośbie Mižnarodnaha alimpijskaha kamiteta1010
Kamientary
[Zredahavana]
a chacia i tak staić
jana i sama pojdzie potym pomścić za synočka, nataŭcam ci reptyłoidam, tolki nie svajmu prezidentu