Hramadstva1313

Asabistaja doktarka Łukašenki kupiła dom za 200 mietraŭ ad płota jaho rezidencyi

Ziamlu joj pieradali tajemna.

Śviatłana Kanašenka źjaviłasia ŭ epizodzie intervju Alaksandra Łukašenki rasijskaj prapahandystcy Naili Askier-zade. Minsk, studzień 2021 hoda. Kadr ź videa telekanała «Rośsija-1» / smotrim.ru i

Asabistaja doktarka Łukašenki Śviatłana Kanašenka kupiła prastorny novy dom pablizu rezidencyi «Drazdy», daviedałasia «Lusterka» ad daśviedčanaj krynicy.

Ziamlu pad katedžam joj pieradali rašeńniem z hryfam «dla słužbovaha karystańnia». Susiednija damy nabyli jaje rodnaja siastra i ludzi, jakich źviazvajuć ź blizkim da ŭłady biznesoŭcam Siarhiejem Ciacierynym.

Novy dom za dva kroki ad pracy

Jak daviedałasia «Lusterka», u lutym 2024 hoda Śviatłana Kanašenka kupiła dom na vulicy Pryvietlivaj u Minsku. Katedž raźmieščany pobač z rezidencyjaj Łukašenki «Drazdy» — ad KPP i płota z kalučym drotam jaho adździalaje kala 200 mietraŭ.

Ahulnaja płošča pabudovy składaje 396,8 kvadratnaha mietra, a žyłaja — 84,2 kvadrata. U domie adzin nadziemny i adzin cokalny pavierch.

Novy dom Śviatłany Kanašenka na vulicy Pryvietlivaj. Minsk, 2026 hod. Vyjava: «Jandeks.Panaramy»

Učastak płoščaj bolš za 21 sotku, na jakim staić katedž, Kanašenka śpiarša aformiła ŭ arendu, a hodam paźniej — u pažyćciovaje spadčynnaje vałodańnie. Ułady horada paznačyli hryfam «dla słužbovaha karystańnia» rašeńnie, pavodle jakoha pieradali ziamlu miedyku.

Suma, za jakuju Kanašenka nabyła dom, nieviadomaja. Inšy katedž na hetaj ža vulicy ciapier pradajecca za 1,055 miljona rubloŭ (što ekvivalentna 352 tysiačam dalaraŭ). Ale ŭ vystaŭlenaha na prodaž abjekta mienšaja płošča, mienšy ŭčastak i «druhasny» stan.

Znajomyja susiedzi

Razam z domam Śviatłany na vulicy Pryvietlivaj uźviali jašče niekalki katedžaŭ i kramu. Miarkujučy pa dakumientach, tam vyrasła «Siadzibnaja žyłaja zabudova z abjektami hramadskaha pryznačeńnia», jakoj zajmałasia adna kampanija.

Voś chto nabyŭ novyja damy:

— Natalla Kizik — rodnaja siastra Śviatłany Kanašenka i jaje partniorka pa biźniesie.

— Taćciana Maćviejeva — dyrektarka i ŭładalnica firmy «BiełHłobałTon», źviazanaj ź Siarhiejem Ciacierynym. Pavodle infarmacyi BRC, Maćviejeva jak minimum dvojčy latała na adpačynak u AAE ŭ kampanii Ciacieryna i Łukašenki.

— Dźmitryj Ščasny, dyrektar «Łahistyčnaj kampanii Uschod», jakuju taksama źviazvajuć ź Ciacierynym.

Učastki Kanašenka, Kizik i Maćviejevaj miažujuć pamiž saboj i abniesieny adnolkavym płotam. Miarkujučy pa vyvučanaj «Lusterkam» infarmacyi, dakumienty na ich afarmlali z roźnicaj u niekalki chvilin. Usie try žančyny atrymali ziamlu ŭ vałodańnie pavodle adnaho i taho ž rašeńnia «dla słužbovaha karystańnia».

Dom Dźmitryja Ščasnaha pabudavali amal na hod paźniej i afarmlali asobna.

Zahadkavy zabudoŭščyk

Budoŭlaj zajmałasia kampanija «Miravižn», daviedałasia «Lusterka» ad daśviedčanaj krynicy. Pieršapačatkova mienavita jana atrymała ŭčastak płoščaj amal 1,6 hiektara pad zabudovu, paśla pieradavała jaho doli novym žycharam u arendu, a dalej tyja afarmlali ziemli ŭ vałodańnie.

Heta maładaja firma, zarehistravanaja ŭ 2021 hodzie, jana ŭvachodzić u rejestr małych arhanizacyj. Sajta ŭ jaje niama, a adrasy rehistracyi — takija ž, jak u firmaŭ Ciacieryna i Kanašenka.

Budoŭla damoŭ na vulicy Pryvietlivaj. Minsk, 2023 hod. Vyjava: «Jandeks.Panaramy»

Pieršapačatkova «Miravižn» zajaŭlała, što budzie zajmacca raźmiaščeńniem rekłamy ŭ ŚMI. Adnak z dakumientaŭ kampanii vynikaje, što ŭ 2023 hodzie jana pieraklučyłasia na realizacyju prajektaŭ, źviazanych z budaŭnictvam.

Uładalnik hetaj kampanii — niejki Siarhiej Hałabarodźka, pra jakoha niama publičnaj infarmacyi. Pavodle źviestak, atrymanych «Lusterkam» ad «Kibierpartyzan», u minułym jon pracavaŭ kiroŭcam.

Pavodle infarmacyi vydańnia «Biuro», śpiecyjalistkaj pa kadrach u «Miravižn» pracavała Alina Roskač, u minułym — udzielnica konkursu «Mis Biełaruś», jakaja paśla źjaŭlałasia pobač z Alaksandram Łukašenkam na mierapryjemstvach i pracavała ŭ firmach Siarhieja Ciacieryna.

Kamientary13

  • Malinua
    21.11.2026
    Spadziajusia, jana ŭsio roŭna nie paśpieje
  • vsio łohično
    21.11.2026
    Nu, vsio praavilno i vsio łohično, nikto nie chočiet podochnuť raźbitym insultom, loža v łužie sobstviennoj moči, chotia, na takoj koniec, narabotał s lichvoj.....
  • Uład
    21.11.2026
    A čamu hetyja prostyja bytavyja spravy vyrašajucca pad hryfam "Dla słužbovaha karystańnia"? Jakija tajamnicy ad narodu?
    "Jabaťki", adhukniciesia! Jakija vašy mierkavańni?

Ciapier čytajuć

«Samy niebiaśpiečny — Piatruchin. A bolšaść — karysnyja idyjoty». Admin kanała «Biełaruskaja ahientura» daŭ vialikaje intervju48

«Samy niebiaśpiečny — Piatruchin. A bolšaść — karysnyja idyjoty». Admin kanała «Biełaruskaja ahientura» daŭ vialikaje intervju

Usie naviny →
Usie naviny

U Žłobinskim rajonie mašyna nalacieła na kania. Kiroŭcu daviałosia z sałona vyrazać2

Pucin zaklikaŭ ukraincaŭ pierachodzić «na pravilny bok historyi»11

Rabić vahony dla minskaha mietro znoŭ chočuć daručyć «Štadleru»6

«Biełtelekam» znoŭ abjaviŭ pra pavyšeńnie svaich taryfaŭ

Pad Barysavam upalavali pieršuju ŭ hetym siezonie ryś2

Analityka Volhu Charłamavu asudzili na 10 hadoŭ kałonii6

Biełarusy masava biaruć ilhotnyja kredyty pad 4%1

U internecie hałasujuć za turystyčny łahatyp Biełarusi. Siarod lidaraŭ prajekt byłoha palitviaźnia4

Dua Lipa ŭžo nosić kurtku, jakuju ŭsie zachočuć hetaj zimoj11

bolš čytanych navin
bolš łajkanych navin

«Samy niebiaśpiečny — Piatruchin. A bolšaść — karysnyja idyjoty». Admin kanała «Biełaruskaja ahientura» daŭ vialikaje intervju48

«Samy niebiaśpiečny — Piatruchin. A bolšaść — karysnyja idyjoty». Admin kanała «Biełaruskaja ahientura» daŭ vialikaje intervju

Hałoŭnaje
Usie naviny →

Zaŭvaha:

 

 

 

 

Zakryć Paviedamić