Livijskaja armija paviedamiła, što adbiła novuju ataku marskich dronaŭ u Bienhazi
Livijskaja avijacyja i fłot pierachapili jašče adnu hrupu kataraŭ-kamikadze, jakija nakiroŭvalisia da Bienhazi. Raniej u porcie horada adbyŭsia mahutny vybuch na rasijskim sudnie, jakoje Naval News identyfikavała jak rakietny karviet «Mierkuryj».

Pavodle zajavy, vajskoŭcy spynili katary vybuchoŭkaj i vyznačyli napramak, adkul ich zapuścili. Kolkaść kataraŭ i toje, chto staić za atakaj, u paviedamleńni nie nazyvajucca.
عاجل > فيديو | القوات الجوية بالقوات المسلحة وبالتعاون مع القوات البحرية تتصدى قبل قليل لمجموعة زوارق انتحار ية اخرى كانت في طريقها لتنفيذ عمل تخريبي في بنغازي وتنجح في تحييدها و تحديد اتجاه اطلاقها . https://t.co/oxgFCYHtec
Adnačasova źjavilisia padrabiaznaści papiaredniaha napadu. Pavodle krynic telekanała «Al-Arabija», u atacy na port udzielničali šeść kataraŭ. Adzin atakavaŭ sudna ŭ porcie, inšy trapiŭ u skład zbroi. Niezaležnaha paćviardžeńnia hetych źviestak pakul niama. TASS paviedamiła, što na karabli jość paciarpiełyja.
Takim čynam, ciapier ŚMI paviedamlajuć pra vykarystańnie marskich dronaŭ. Raniej paviedamlałasia, što rasijskaje sudna atakavali pavietranyja bieśpiłotniki. Ci vykarystoŭvalisia abodva typy aparataŭ i jak mienavita raźvivałasia ataka, pakul nie zrazumieła.
-
Tamahočy znoŭ papularnyja. Čamu praz 30 hadoŭ maleńkija virtualnyja hadavancy znoŭ u trendzie
-
Livijskija ŭłady paćvierdzili vybuch na rasijskim sudnie ŭ Bienhazi. Nie vyklučajuć ataku dronaŭ
-
Biełaruskija «Kibierpartyzany» apublikavali aficyjnyja pryčyny rezanansnych śmierciaŭ rasijskich top-mieniedžaraŭ z uzłamanaha Rasstata
Kamientary