«Buduć siadzieć. Navat kali ŭ piać, dziesiać razoŭ bolš budzie». Łukašenka nie źbirajecca spyniać represii, choć Koŭł i prosić
Alaksandr Łukašenka paćvierdziŭ, što amierykanskaja delehacyja padčas pieramovaŭ u Minsku ŭzdymała pytańnie novych zatrymańniaŭ pa palityčnych matyvach paśla vyzvaleńnia palitviaźniaŭ. Pra heta jon zajaviŭ 19 listapada na naradzie z sudziejskim korpusam.

«Uziaŭšy infarmacyju ad našych biehłych, što my voś adpuścili tam ennuju kolkaść, dziasiatkaŭ niekalki čałaviek, a ŭ hety čas hetyja Kubrakovy i Ciercieli na čale z Haroj, hienprakuroram, schapili ŭtraja bolš i pasadzili — kab mieć abmienny fond…
Takuju temu amierykancy padniali pierada mnoj. Na što ja im žorstka adkazaŭ, prosta rezka: «Zakon parušyć — budzie siadzieć. Navat kali ŭ piać, dziesiać razoŭ bolš budzie, [čym] tych, kaho my tabie tut addali, adpuścili pa prośbie Trampa, — siadzieć buduć», — zajaviŭ Łukašenka.
Taksama, pa słovach Łukašenki, jon tady zajaviŭ Koŭłu, što nie dapuścić paŭtareńnia padziej 2020 hoda, bo, maŭlaŭ, «my nie možam dapuścić razbureńnia krainy».
Varta adznačyć, što 15 vieraśnia padčas sustrečy ŭ Minsku sa śpiecyjalnym pasłańnikam prezidenta ZŠA pa Biełarusi Džonam Koŭłam Łukašenka admaŭlaŭ novyja palityčna matyvavanyja zatrymańni i samo isnavańnie palitviaźniaŭ. Tady jon nazvaŭ «absalutnaj niapraŭdaj» śćviardžeńni pra toje, što paśla vyzvaleńnia adnych źniavolenych ułady zatrymlivajuć udvaja bolš ludziej.
Kamientary
Heta śmiech, kali zaŭtra daduć tranzit praź Litvu, jon adrazu skaža inšaje "Heta ž našy ludzi, nu pamylilisia, nie voś ža čas ich hnaić, ja ž nie izuvier jaki".
Cana jahonym słovam - nul. Ale ž my ni raz bačyli, kali ŭ adkaz na pluški Łuka spyniaŭ taki represii ( amal paśla kožnych vybaraŭ). Kali heta rabiŭ raniej, moža i znoŭ zrabić ( viadoma treba rabić papraŭku na vajnu ).
Pucin jaho prymušaje da represij ci jon sam baicca i biaskonca nienavidzić, žadaje pomsty ŭłasnamu narodu? Pakryŭdžany sacyjapat.
Navat u Rasiei niama nastolki žorstkaj i tatalnaj unutranaj palitycy represij. U hetaj spravie jana, chutčej, impartuje idei i dośvied łukašenkaŭskaj RB.