Nacbank abiacaje da kanca hoda ŭtrymać kurs u kalidory plus-minus 3%

Nacyjanalny bank čakaje, što da kanca hoda kurs biełaruskaha rubla zastaniecca stabilnym. Akramia taho, isnujuć usie ŭmovy, kab vahańni biełaruskaha rubla da kanca hoda pa-raniejšamu znachodzilisia ŭ kalidory plus-minus 2–3%.

Pra heta zajaviŭ staršynia praŭleńnia Nacbanka Piotr Prakapovič 19 lipienia padčas dakłada Alaksandru Łukašenku ab vykanańni Asnoŭnych kirunkaŭ hrašova-kredytnaj palityki ŭ pieršym paŭhodździ 2010 hoda.

«Jak byŭ prainfarmavany prezident, usie zadačy, pastaŭlenyja Asnoŭnymi kirunkami hrašova-kredytnaj palityki, u pieršym paŭhodździ zabiaśpiečany ŭ poŭnym abjomie», — havorycca ŭ paviedamleńni pres-słužby biełaruskaha kiraŭnika.

Kurs biełaruskaha rubla da košyka valut na praciahu paŭhodździa zastavaŭsia stabilnym i ŭ cełym umacavaŭsia da košyka valut na 1,1%.

Zołatavalutnyja reziervy na 1 lipienia ŭ nacyjanalnym vyznačeńni pieravyšali 6 młrd. dołaraŭ ZŠA.

Na 1 lipienia 2010 hoda ŭ paraŭnańni z 1 lipienia minułaha hoda kredytnaja zapazyčanaść pradpryjemstvaŭ pierad bankami vyrasła ŭ 1,32 razu, «faktyčna ŭsia patreba ŭ kredytavańni była zabiaśpiečanaja». «Asablivaja ŭvaha» była nadadzienaja kredytavańniu dziaržaŭnych prahram, jakoje było pavialičana ŭ 1,4 razu. Najbolš chutkimi tempami raźvivałasia lhotnaje kredytavańnie žylla. U paraŭnańni z anałahičnym pieryjadam minułaha hoda jano vyrasła ŭ 1,54 razu. Jak zajaviŭ Prakapovič, u bankaŭskaj sistemie jość usie nieabchodnyja resursy, kab zabiaśpiečyć dalejšaje kredytavańnie ekanomiki. Jon «adznačyŭ važnaść taho, što kredytavańnie ekanomiki zabiaśpiečvajuć usie banki, a nie tolki dziaržaŭnyja».

Za šeść miesiacaŭ pracentnyja staŭki pa kredytach źnižanyja dla jurydyčnych asob bolš čym na 5 pracentnych punktaŭ. Kali ŭ studzieni ŭ siarednim pracentnaja staŭka pa vydadzienych kredytach składała bolš za 21%, to pa vynikach červienia — 16,5% u cełym, a dla jurydyčnych asob — u siarednim 15,4%. Staŭka refinansavańnia za hety pieryjad źnižana z 14% da 11,5%. Prakapovič padkreśliŭ, što «rabota pa źnižeńni pracentnych stavak budzie praciahvacca ŭ trecim i čaćviortym kvartałach».

Bankaŭskaja sistema zabiaśpiečana ŭ poŭnym abjomie nieabchodnymi resursami, zajaviŭ Prakapovič. Kali ŭ pačatku hoda likvidnaść bankaŭ była niedastatkovaj, to z sakavika hetaja situacyja «kardynalna źmianiłasia». Nacbank «vymušany zabirać lišnija hrošy ŭ bankaŭ šlacham vykupu, prodažu kaštoŭnych papier i inšych kirunkaŭ». Prakapovič vykazaŭ nadzieju, što ŭ najbližejšy čas «uzraście aktyŭnaść pradpryjemstvaŭ, jakija stanuć bolš pradjaŭlać efiektyŭnych prajektaŭ, i kredytavańnie ŭ druhim paŭhodździ budzie iści bolš chutkimi tempami, čym u pieršym».

• 0
• 0
• 0
• 0
• 0
• 0
• 0
• 0