U Babrujsku źniali «biespravadny» tralejbus, zatoje puścili aŭtobus-aŭdytoryju
Pieršy na prastory byłoha SSSR rehularny tralejbusny maršrut, jaki častkova prachodziŭ pa vulicy biez kantaktnaj sietki, pratrymaŭsia roŭna tydzień. Zatoje ŭ Babrujsku źjaviŭsia niezvyčajny aŭtobus – u im piešachodam-parušalnikam praviłaŭ darožnaha ruchu čytajuć lekcyi i dorać flikiery.
Pieršy na prastory byłoha SSSR rehularny tralejbusny maršrut, jaki častkova prachodziŭ pa vulicy biez kantaktnaj sietki, pratrymaŭsia roŭna tydzień. Zatoje ŭ Babrujsku źjaviŭsia niezvyčajny aŭtobus – u im piešachodam-parušalnikam praviłaŭ darožnaha ruchu čytajuć lekcyi i dorać flikiery.
Adziny ŭ Babrujsku dy j va ŭsim byłym SSSR «biespravadny» tralejbus marki AKSM-33300A byŭ pierakinuty na zvyčajny tralejbusny maršrut Babrujsku №2. Ciapier jon chodzić u kampanii svaich «ardynarnych» bratoŭ. Pryčyna – małaja kolkaść pasažyraŭ na maršrucie. Niahledziačy, što na ŭvieś maršrut byŭ adzin tralejbus, skarystacca jaho pasłuhami było ŭsiaho 20-30 achvotnikaŭ.
Zatoje ŭ Babrujsku abkatvajecca novaja navinka – aŭtobus-aŭdytoryja, u jakim piešachody-parušalniki praviłaŭ darožnaha ruchu majuć mahčymaść nia tolki pakatacca pa rodnym horadzie, ale i pasłuchać lekcyi daišnikaŭ, dyj na raźvitańnie atrymać flikier – adlustravalny značok, kab być bolš zaŭvažnym na darozie.
Flikiery vydajucca tolki junym parušalnikam, a ŭ darosłych svoj raźlik – hetkaja lekcyja vyzvalaje ad štrafu, jaki siońnia składaje 15500 rubloŭ.
❏
Raniej na hetuju temu: U Babrujsku tralejbus chodzić biez pravadoŭ
Kamientary