Urad choča pryvieści šyrokapałosny internet u absalutnuju bolšaść siamiej
U Biełarusi da 2015 hoda chutkaść dostupu daviaduć da 100 Mbit / s.
U Biełarusi da 2015 hoda pabudujuć sučasnuju infarmacyjna-kamunikacyjnuju infrastrukturu, jakaja dazvolić pavialičyć chutkaść internet-dostupu da 100 Mbit / s. Heta praduhledžana Prahramaj dziejnaści ŭrada Biełarusi na 2011-2015 hady, paviedamili karespandentu BIEŁTA u pres-słužbie Saŭmina.
Pry hetym šyrynia vonkavaha interniet-kanała pavinna skłaści nie mienš za 200 Hbit / s, a kolkaść partoŭ stacyjanarnaha šyrokapałosnaha dostupu dasiahnie 3 młn.
Kab realizavać hetyja zadačy, płanujecca pierajści da multyservisnych sietak elektrasuviazi, zasnavanych na IMS-płatformie, ukaraniać pasłuhi sotavaj ruchomaj elektrasuviazi čaćviortaha pakaleńnia, pašyrać vonkavy internet-šluz, raźvivać pasłuhi stacyjanarnaha i biespravadnoha šyrokapałosnaha internet-dostupu, a taksama madernizavać sietki pieradačy źviestak z ulikam pierachodu na technałohiju Ethernet i budavać vałakonna-aptyčnyja linii suviazi niepasredna da spažyŭca.
Akramia taho, u bližejšyja piać hadoŭ Biełaruś piarojdzie da efirnaha televizijnaha viaščańnia ŭ ličbavym farmacie z pryjomam sacyjalnaha pakieta teleprahram na ŭsioj terytoryi krainy. Taksama siarod zadač biełaruskaha ŭrada -- stvaryć elektronnyja ŭrad, pravieści infarmatyzacyju ŭsich śfier dziejnaści.
Pry hetym asnoŭnaj metaj raźvićcia infarmacyjna-kamunikacyjnych technałohij značycca "ŭvachodžańnie Biełarusi ŭ 2015 hodzie ŭ lik krain śvietu z samym vysokim uzroŭniem indeksa raźvićcia infarmacyjna-kamunikacyjnych technałohij pa sistemach acenak Mižnarodnaha sajuza elektrasuviazi i AAN".
Ciapier čytajuć
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
Kamientary