«Vypisvali my jamu šmat vydańniaŭ. Ale jon ničoha nie atrymlivaje».
24 maja zeks-kandydatam u prezidenty Andrejem Sańnikavym, asudžanym na piać hadoŭ kałonii ŭzmocnienaha režymu, u śledčym izalatary MUS № 1 na vulicy Vaładarskaha ŭ Minsku sustrełasia jaho maci Ała Sańnikava.
Jak paviedamiła Ała Sańnikava, jaje syn «ducham nie padaje». «Jon skazaŭ, što jamu ŭ SIZA MUS lepš, kamiera lepšaja, prablem takich, jakija byli ŭ SIZA KDB, niama. Jaho pavinny byli pieravieści ŭ śledčy izalatar u Žodzinie, ale pakul pakinuli ŭ Minsku. Jon badziory. Vielmi chvalujecca za siamju, za svajakoŭ, za mianie. Stan zdaroŭja ŭ jaho stabilizavaŭsia, jak jon mnie skazaŭ», — skazała Ała Sańnikava.
Adnak, pavodle jaje słoŭ, syn nie atrymlivaje tych haziet, jakija jamu byli vypisanyja. «Vypisvali my jamu šmat vydańniaŭ. Ale jon ničoha nie atrymlivaje, jak nie atrymlivaŭ i ŭ śledčym izalatary KDB. Praŭda, skazaŭ, što ŭ kamiery jość televizar, ale heta, napeŭna, nie taja infarmacyja, jakuju jon chacieŭ by atrymlivać», — zaznačyła maci
Pavodle słoŭ maci, Andrej Sańnikaŭ ad razhladu kasacyjnaj skarhi na svoj pryhavor «ničoha dobraha nie čakaje». «U hutarcy sa mnoj jon pačaŭ rychtavać mianie da horšaha. Jon kazaŭ mnie: «Ty ž bačyła, jakaja ŭ nas sudovaja sistema. Budź hatovaja da ŭsiaho, nie spadziavajsia», — zaznačyła Ała Sańnikava.
14 maja ŭ sudzie Partyzanskaha rajona Minska kandydat u prezidenty na vybarach 2010 hoda Andrej Sańnikaŭ byŭ asudžany da piaci hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu. Sańnikaŭ pryznany vinavatym na padstavie častki 1 artykuła 293 KK (arhanizacyja masavych biesparadkaŭ), jakaja praduhledžvaje pazbaŭleńnie voli ad 5 da 15 hadoŭ.
24 maja stała viadoma, što sudździa Natalla Čaćviartkova, jakaja vyniesła pryhavor Sańnikavu, uklučanaja ŭ śpis nieŭjaznych u krainy Jeŭrasajuza.
-
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
-
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»
-
Arhanizatary biełaruskaha TEDx u Varšavie dahetul nie atrymali hrošy za pradadzienyja kvitki — kampanija biełarusa zatrymlivaje ich užo 4 miesiacy
Kamientary