Jość šachmatysty, jakija staviać rekordy tvorčaha daŭhalećcia — Zvarykina, Karčnoj, Rojzman. Sustrakajucca tyja, chto daje rekordnyja seansy adnačasovaj hulni, nakštałt adbytaha letaś u flarydzkim handlovym centry «Gardens mall». Hrosmajstarka Śjuzan Połhar 16 hadzin zapar hulała z 326 supiernikami i vyjhrała 309 partyj, upisaŭšy siabie ŭ knihu rekordaŭ Hinesa… A jość šachmatnyja kampazytary, što stvarajuć rekordnyja zadačy. Takija zadačy taŭtalahična nazyvajucca taskami (task z anhielskaj — «zadańnie»). Da prykładu, task-monstar praduhledžvaje mat za maksymalnuju kolkaść chadoŭ.
Jość šachmatysty, jakija staviać rekordy tvorčaha daŭhalećcia — Zvarykina, Karčnoj, Rojzman. Sustrakajucca tyja, chto daje rekordnyja seansy adnačasovaj hulni, nakštałt adbytaha letaś u flarydzkim handlovym centry «Gardens mall». Hrosmajstarka Śjuzan Połhar 16 hadzin zapar hulała z 326 supiernikami i vyjhrała 309 partyj, upisaŭšy siabie ŭ knihu rekordaŭ Hinesa… A jość šachmatnyja kampazytary, što stvarajuć rekordnyja zadačy. Takija zadačy taŭtalahična nazyvajucca taskami (task z anhielskaj — «zadańnie»). Da prykładu, task-monstar praduhledžvaje mat za maksymalnuju kolkaść chadoŭ.
Z zadańniem «mat za 200 chadoŭ» jašče možna zvyknucca, a ci časta nam davodzicca bačyć u adnym tvory ažno čatyry rakiroŭki? Viktaru Vołčaku ź Lidčyny, ekspertu Biełaruskaj federacyi šachmat u halinie kampazycyi, udałosia nievierahodnaje. Jahony task atrymaŭ I-II pryz na letašnim mižnarodnym konkursie — memaryjale Jeździna.
Hetaja piacichadoŭka V.Vołčaka dosyć mudrahielistaja, čym i vabić: 1. de! Th7 2. e7! Te7 3. de i 4. Kf6X; 1…0-0-0 2. Ta7 Kpb8 3. s7+ Kpa7 4. 0-0! i 5. Ta1X; 1…0-0 2. Kh6+ Kpg7 3. Khf5+ Kpg6 4. 0-0-0! i 5. Tdg1X.
U siaredzinie XX st. šachmatny ramantyk z Brazylii raspracavaŭ admysłovuju temu, jakaja ciapier nazyvajecca ŭ jaho honar. Adnojčy bieraściejski trener Uładzisłaŭ Katašuk — aŭtar kala 150 zadač — pajšoŭ brazylskim šlacham. Pasprabujcie raźviazać jahony «task Vaładao». Padkazka: u hetym vidzie tasku spałučajucca try niestandartnyja ruchi — rakiroŭka, uziaćcie na prachodzie i pieratvareńnie pieški ŭ fihuru.
Kamientary