z pošty Redakcyi, zachavana stylistyka aryhinała
«Ja zamiežnik i kaliści sustrakaŭsia ź Bialackim»
Ja zamiežnik i kaliści sustreŭsia z Alesiem Bialackim. Ja chaču vyrazić svoj sum i svajo abureńnie paśla prysudu. Ja žyŭ u Biełarusi i nastolki lubiŭ vašu krainu, što biełaruskuju movu vyvučaŭ. Za svabodu ŭ Biełarusi zaŭsiody vystupaju, kali ŭ majoj krainie źjaŭlajecca mahčymaść.
Kali ja byŭ u Miensku, mianie adnojčy zatrymali śpiecnazy. Ja byŭ nie na tym miescy, možna tak skazać… Mianie chutka adpuścili, adnak ja byŭ šakavany, jak milicyja pavodzić siabie.Mnie było viadoma, što takija pavodziny źjaŭlajucca normaj, ale zaŭsiody horš, kali ty sam akazvaješsia achviaraj. Mnie radzili, kab ja źviarnuŭsia da centra «Viasna». Tam ja znajšoŭ ludziej, jakija byli hatovy mnie paradzić i dapamahčy padać skarhu ŭ prakuraturu. Sustreŭ tam intelihientnych i mužnych ludziej, jakija vieriać u svaju spravu i nie bajacca zmahacca.
Padčas inšaha naviedvańnia «Viasny» ja zmoh pahutaryć z Alesiem. Tady byŭ studzień i represii byli štodzionnymi. Tamu jon mianie vielmi ŭražvaŭ svaimi spakojem i pierakananaściu.
Ja nie dobra jaho viedaju, ale ja viedaju, što nastupnyja hady jon praviadzie za kratami, tamu što chacieŭ praciahvać pracavać pravaabaroncam. Jon chacieŭ dalej dziejničać navat paśla taho, jak režym zrabiŭ usio, kab pracavać zakonna było jamu niemahčyma. Dla mianie, Aleś — sučasny partyzan, adzin z najlepšych biełarusaŭ. Chaču jamu žadać jašče bolš mužnaści, i žadaju ŭsim biełarusam, kab im viarnuli hetaha vialikaha zmahara.
Žyvie Biełaruś!
-
«Siadžu ŭ trusach, zamiarzaju». U sacsietkach vyśmiejali čarhovuju strašyłku ANT pra «zamiarzajučuju Jeŭropu»
-
«Sumuju pa dumcy, što ja nie doma, i pa babulach. Ale nie pa krainie». Manałoh 17‑hadovaj dziaŭčyny
-
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača17
Kamientary