Мядзведзь стаў наведвацца ў агарод жыхаркі вёскі Кульнёва Расонскага раёна, паведаміў БелТА афіцыйны прадстаўнік УУС Віцебскага аблвыканкама Аляксандр Калыска.
Першы візіт адбыўся ў ноч на 18 жніўня. Паламаныя галіны дрэва і значна паменелы ўраджай груш прымусіў жанчыну раніцай звярнуцца з заявай у міліцыю.
«Асоба» зламысніка была раскрытая ў той жа дзень - каля 17.00 мядзведзь ізноў прыйшоў на падворак. Жанчына, якая знаходзілася ў гэты час дома, напалохала звера крыкамі і паведаміла ў міліцыю.
Да справы падключыліся таксама мясцовыя егеры. Мядзведзь пакуль не знойдзены.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку14
Каментары