Палітзняволенага актывіста з Гомеля асудзілі да 1,5 года калоніі за шэсць каментарыяў у тэлеграм-чатах
У судзе Савецкага раёна Гомеля 22 лістапада да 1,5 года калоніі агульнага рэжыму па ч. 1 арт. 342 (арганізацыя дзеянняў, якія груба парушаюць грамадскі парадак) і арт. 369 (публічная абраза прадстаўніка ўлады) Крымінальнага кодэкса асудзілі палітзняволенага гомельскага актывіста Яўгена Маркаўца, паведамляюць праваабаронцы.
Суд за шэсць каментарыеў гамельчука ў тэлеграм-чатах доўжыўся амаль два месяцы. Пад вартай Яўген утрымліваецца ўжо паўгода. Справу разглядаў суддзя Віталь Каўбеня, дзяржабвінавачванне падтрымліваў Аляксандр Шынкароў.
Па версіі абвінавачвання, у жніўні і верасні мінулага года Маркавец у тэлеграм-чатах размясціў заклікі да супрацьпраўных дзеянняў. Таксама ў «Тэлеграме» ён пакінуў абразлівы каментарый у адносінах да супрацоўніка АМАПа Варушчанкі. Усяго ў матэрыялах справы фігуруе шэсць каментарыеў.
Яўген Маркавец прызнаў віну часткова — абразлівы каментарый ён насамрэч змясціў, а вось заклікаў да дзеянняў, якія груба парушаюць грамадскі парадак, не рабіў.
Яўген Маркавец патлумачыў у судзе, што быў вельмі ўзрушаны збіццём пратэстоўцаў, нават ужо затрыманых у пастарунках, таму на эмоцыях пісаў гэтыя каментарыі, у якіх выказваў сваё меркаванне, а не заклікаў да канкрэтных супрацьпраўных дзеянняў.
Падчас судовых спрэчак пракурор Аляксандр Шынкароў заявіў, што віна Яўгена Маркаўца па двух артыкулах Крымінальнага кодэкса цалкам даказаная і запатрабаваў пакараць яго двума гадамі калоніі. Таксама пракурор настойваў, каб гамельчук выплаціў пацярпеламу амапаўцу 2000 рублёў.
У выніку, суддзя Віталь Каўбеня асудзіў Яўгена Маркаўца на паўтара года калоніі ва ўмовах агульнага рэжыму. Таксама суд пастанавіў спагнаць з палітвязня на карысць пацярпелага амапаўца тысячу рублёў, што на палову меней, што патрабаваў пракурор.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі35
Каментары