15 верасня пад Ізюмам на Харкаўшчыне знайшлі масавыя пахаванні загінулых вайскоўцаў УСУ і цывільных асоб. Пра гэта паведамляе Радыё Свабода.
Пахаванні знайшлі ў лесе, дзе падчас акупацыі расійскімі войскамі горада Ізюм у перыяд з 2 красавіка па 15 верасня хавалі цывільнае насельніцтва ў безыменных магілах.
На некаторых магілах ёсць вянкі. На крыжах, устаноўленых над месцамі пахаванняў, відаць надпісы: «УСУ, 17 чалавек, з моргу», «345», «412».
Пакуль невядомая дакладная колькасць асоб, якія пахаваныя ў магілах. Цяпер ідзе размініраванне тэрыторыі.
Раней аб гібелі ў Ізюме не менш за тысячы цывільных асобаў паведамляў дэпутат Ізюмскай гарадской рады Максім Стрэльнікаў. «Згодна з той інфармацыяй, якой мы валодаем, мінімум тысяча мясцовых грамадзян загінулі з прычыны ваенных дзеянняў. Але, на жаль, яшчэ больш людзей пацярпелі, таму што ім не змаглі своечасова аказаць медыцынскую дапамогу. Расійскія акупанты яшчэ ў сакавіку знішчылі ўсе медустановы ў Ізюме», — заявіў дэпутат.
Каментары
Рейх должен быть разрушен