У цэнтры Мінска прадаецца кватэра вядомага кампазітара. Як яна выглядае
На плошчы Перамогі, адразу каля метро, прадаецца трохпакаёвая кватэра, у якой жыў народны артыст СССР Яўген Цікоцкі. Realt.by расказвае больш падрабязна пра кватэру.
Трохпакаёвая кватэра знаходзіцца па адрасе Незалежнасці, 36. Праз пару дамоў — галоўны ўваход у парк Горкага, з акна бачны ўваход у метро. Гэта сталінка з трохметровымі столямі.
Тут 87,2 «квадрата» агульнай плошчы, 50 з іх жылыя. Планіроўка досыць незвычайная: выцягнутая кухня знаходзіцца пасярэдзіне, а за сценамі справа і злева размяшчаюцца спальні, ёсць прасторная гасцёўня. Санвузел у кватэры сумешчаны, 6 квадратных метраў. Балкона няма.
Рамонт выкананы ў светлых танах. На падлозе ляжыць паркет. Кватэра гатова да пражывання: застаецца уся мэбля і бытавая тэхніка, устаноўлены лічыльнікі вады. Ёсць падвал.
— Доступ у пад'езд з «чорнага» і параднага ўваходу. Акрамя таго, дом абсталяваны бамбасховішчам, — напісана ў аб'яве.
Кошт кватэры — 197 тысяч даляраў.
Прадавец кажа, што ў кватэры жыў Яўген Цікоцкі. Гэта вядомы кампазітар, народны артыст СССР. Ён памёр у 1970 годзе, калі яму было 76 гадоў. Цікоцкі нарадзіўся ў Санкт-Пецярбургу, але большую частку жыцця пражыў у Мінску. Яўген Карлавіч выкладаў у музычнай школе, працаваў кампазітарам на Беларускім радыё. Пісаў музыку да тэатральных пастановак.
У 1939 годзе напісаў адну з першых беларускіх опер у гісторыі — «Міхась Падгорны». Пасля вайны працаваў мастацкім кіраўніком Белдзяржфілармоніі. Цікоцкага называюць адным з заснавальнікаў беларускай кампазітарскай школы.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў13
Каментары
а казалі па радыё, што першая ў гісторыі опера на беларускай мове (напісаная Цікоцкім) звалася "Алеся"
манілі?
дикий отстой