65‑гадовая настаўніца асуджана на 10 гадоў за забойства грамадзянскага мужа
Былая настаўніца з Івацэвіцкага раёна прыгаворана да 10 гадоў пазбаўлення волі за забойства грамадзянскага мужа.
Як паведаміла старшы памочнік пракурора Брэсцкай вобласці Вольга Дзмітрук, 3 студзеня пенсіянерка святкавала сваё 65‑годдзе разам з грамадзянскім мужам‑равеснікам, з якім жыла сумесна апошнія тры з паловай гады.
Вечарам падчас сваркі з‑за раптоўна ўзніклых непрыязных адносін імянінніца
нанесла мужчыну пяць удараў кухонным нажом у вобласць спіны. У ноч на 4 студзеня ён памёр у кватэры сужыцелькі.
«Жанчына паспрабавала ўтаіць забойства і запэўнівала фельчара мясцовага ФАП, якая прыйшла да яе дадому, у натуральнай смерці грамадзянскага мужа, выказвала меркаванне аб яго магчымым атручэнні спіртным, патрабавала выпісаць даведку аб смерці», — сказала Дзмітрук. Аднак медработнік выклікала ўчастковага інспектара. Труп быў адпраўлены на ўскрыццё, падчас якога была ўстаноўлена прычына смерці.
Пры папярэднім расследаванні абвінавачаная неаднаразова мяняла свае паказанні.
Яна то прызнавала віну ў тым, што зрабіла, то сцвярджала, што сужыцель выходзіў у магазін і вярнуўся з нажавымі раненнямі, якія яму нібыта нанеслі невядомыя.
27 красавіка суд Івацэвіцкага раёна прызнаў жанчыну вінаватай у забойстве і прыгаварыў да 10 гадоў пазбаўлення волі ў калоніі агульнага рэжыму.
Былая настаўніца з 36‑гадовым стажам будзе таксама прымусова лячыцца ад алкагалізму. На карысць брата загінулага ў мэтах кампенсацыі нанесенага яму маральнага ўрону з асуджанай спагнана 3 млн. рублёў.
1 чэрвеня судовая калегія па крымінальных справах Брэсцкага абласнога суда пакінула касацыйную скаргу жанчыны без задавальнення. Прысуд уступіў у законную сілу.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары