У Мастацкай галерэі Полацку адбываецца пэрсанальная выстава Алеся Ксяндзова «Нараджэньне Вэнэры».
Мастак прывёз у старажытны горад дзьве вялікія сэрыі жывапісных прац «Нітка жэмчугу» і «Арлекіна» і сэрыю жаночых партрэтаў. Нягледзячы на пачатак летняга сэзону, на вэрнісаж сабралася багата народу.
Ксяндзоў — модны мастак. Карціны з сэрыі «Нітка жэмчугу» найбольш адпавядаюць запатрабаваньням моды — на іх у розных паставах намаляваны аголеныя жаночыя фігуры з жамчужнымі каралямі. Яны намаляваны ў адмысловай напаўасьветленай манеры, са стылізаванай прарысоўкай абрысаў фігурыстых целаў. Гэтай майстэрскай стылізацыяй яго карціны і адрозьніваюцца ад мастацкіх здымкаў у якім-небудзь адмысловым глянцавым часопісе, накшталт «Плэйбоя».
Быць модным — гэта ня толькі ўмець эпатажаваць публіку, выклікаць у яе павышаную цікавасьць, але й быць вельмі непаўторным. Найвялікшае майстэрства непаўторнасьці — калі яно дасягаецца мінімалісцкімі выяўленчымі сродкамі, літаральна некалькімі рысамі, двума-трыма мазкамі. Ксяндзоў — менавіта з такіх непаўторных.
Пасьля афіцыйнай часткі мастак адказваў на пытаньні. Выглядаў ён імпазантна — у пінжаку і гальштуку жоўтага колеру, як сапраўдны актор, які ведае, што падабацца — гэта вялікая, няпростая навука.
Цяпер чытаюць
Лукашэнка: Што творыцца ў краіне, у нас усе гэтую гусь круцяць22
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары