Акцыю пад такой назвай ладзіць польскае Таварыства маладых кансэрватараў. Як сказаў «НН» прадстаўнік арганізацыі Павал Станчык, акцыя задуманая, каб паказаць салідарнасьць маладых палякаў з тымі, хто перасьледуецца цяпер у Беларусі, — прадстаўнікамі польскай меншасьці і моладзьдзю. «Рок — гэта музыка незалежнасьці, таму мы зьвярнуліся да польскіх музыкаў з просьбай падтрымаць такую акцыю», — кажа П.Станчык.
Шэраг рок-музыкаў запішуць свае песьні для зборніку, які будзе распаўсюджвацца ў Беларусі. Туды ж увойдуць гіты часоў «Салідарнасьці». Сярод музыкаў называюцца Павал Кукіз, кінаактор і лідэр групы «Piersi», група «Golden Life». Таксама ўвойдуць песьні легендарных «Mааnam», «Strachy na Lachy». Да акцыі далучыўся і Марак Буцька — экс-сакратар польскага пасольства ў Беларусі. На прэс-канфэрэнцыі, прысьвечанай акцыі «Рок супраць рэжыму», ён сказаў, што рок-музыка ў Беларусі папулярная, але беларускамоўным групам не даюць працаваць і канцэртаваць. У сувязі з чым дыплямат прапанаваў супрацоўнічаць зь беларускімі музыкамі. Пачатак супрацоўніцтву пакладзены — група «NRM» дасьць вялікі канцэрт у межах фэстывалю, прысьвечанага 25-годзьдзю «Салідарнасьці».
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары