Апазіцыянер Аляксей Навальны адкідае ўсе абвінавачанні ў фінансавых махінацыях, прад’яўленыя яму расійскім Следчым камітэтам, і заяўляе пра тое, што не будзе спрабаваць пакінуць Расію, ратуючыся ад суда і магчымага зняволення.
Напярэдадні суд вынес першы прысуд па справе «Кіраўлеса», па якой таксама абвінавачваецца Навальны, а СКР завёў супраць яго яшчэ адну крымінальную справу.
Кіраўскі раённы суд прысудзіў да чатырох гадоў пазбаўлення волі ўмоўна былога гендырэктара «Кіраўлеса» Вячаслава Апалёва, які, нібыта падаўшыся на ўгаворы Навальнага, прадаў лес па заніжаным кошце.
якая, па версіі ведамства, датычная да крадзяжу каля 100 млн рублёў (3,2 млн даляраў) у палітычнай партыі «Саюз правых сіл» — хоць у самой партыі адмаўляюць знікненне якіх бы там ні было сродкаў.У той жа дзень стала вядома, што СКР распачаў яшчэ адну крымінальную справу супраць кампаніі Навальнага,
Акрамя таго, на мінулым тыдні СКР прад’явіў братам Алегу і Аляксею Навальным абвінавачванні ў крадзяжы 55 мільёнаў рублёў (1,8 млн даляраў) сродкаў гандлёвай кампаніі.
Каментуючы гэтыя абвінавачванні ў эфіры тэлеканала «Дождь», Навальны заявіў, што Следчы камітэт займаецца фабрыкацыяй крымінальных спраў супраць яго.
«Заўтра яны скажуць, што я скраў сланоў з Маскоўскага заапарка», — іранізуе апазіцыянер, абяцаючы і далей працягваць свае антыкарупцыйныя расследаванні.
«Роспіл» працягне сваю дзейнасць па кантролі карупцыі ў дзяржзаказе, я буду працягваць арганізоўваць масавыя акцыі, мы абскардзім выпадкі фальсіфікацыі. І паспрабую гэта рабіць больш эфектыўна», — заяўляе Навальны.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна11
Каментары