Працэс Варламава: сведкі кажуць пра ціск з боку следчых

Слуханні ў справе мадэльера Аляксандра Варламава працягнуліся ў судзе Ленінскага раёна Мінска 13 лютага.

Сястра мадэльера — Рыма паведаміла карэспандэнту «Свабоды», што суд заслухваў сведкаў, якія праходзяць па гэтай справе: «Сёння, калі я не памыляюся, апыталі сем сведкаў. Некаторыя з іх пачалі мяняць паказанні. Амаль усе сведкі казалі пра ціск на іх з боку следчых.

Заўтра, а 10-й гадзіне раніцы судовы працэс працягнецца. Зноў будуць апытваць сведкаў. Іх жа па гэтай справе праходзіць 800. Брат адчувае сябе не вельмі. Я шукала для яго неабходныя лекі».

Радыё «Свабода»

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ