80-павярховы хмарачос у цэнтры кварталу мае стаць новай візытоўкай Беларусі.
Фота — ais.by |
Нафтагазавая кампанія «Ітэра» выступіць забудоўнікам тэрыторыі новага бізнэс-раёну ў Менску. Агульны аб'ём расейскіх інвэстыцый у будаўніцтва «Менск‑Сіці» ацэньваюцца ў 30 мільярдаў даляраў.
На тэрыторыі плошчай больш як 300 гектараў, дзе цяпер месьціцца аэрапорт «Менск‑1» і Менскі авіярамонтны завод, плянуецца ўзьвесьці 80‑павярховую вежу і жылыя кварталы на 38 тысяч чалавек. Працы мусяць пачацца ў 2009 годзе.
Апроч таго, праект прадугледжвае разьмяшчэньне пасольстваў і консульстваў, грамадзкага цэнтру, гасьцініц, гандлёвых цэнтраў і забаўляльных комплексаў.
«Менск‑Сіці» будзе большым за «Маскву‑Сіці» ў некалькі разоў. Для параўнаньня, плошча будоўлі ў Маскве складае 60 гектараў, а інвэстыцыі дасягнуць 10 мільярдаў даляраў.
Лічба настолькі вялікая, што выклікае недавер.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары