Брытанскі драматург Том Стопард заявіў, што напісаў радыёп'есу па матывах канцэптуальнага альбома Pink Floyd «The Dark Side of the Moon»,паведамляе The Daily Telegraph.
Стопард перапрацаваў 40-хвілінны альбом у гадзінную п'есу, у якой музыка Pink Floyd будзе чаргавацца з дыялогамі, напісанымі драматургам. Са слоў аўтара, сюжэт п'есы раскажа пра стасункі маладой пары, на прыкладзе якой драматург пакажа існаванне «сучасных душ».
Дэвід Гілмар, удзельнік Pink Floyd і суаўтар "The Dark Side of the Moon», ужо вывучыў сцэнар п'есы і назваў яго «выдатным».
Выхад п'есы прымеркаваны да 40-гадовага юбілею «The Dark Side of the Moon". Яе прэм'ера адбудзецца 26 жніўня ў эфіры радыёстанцыі BBC Radio 2.
***
Том Стопард - брытанскі драматург чэшскага паходжання, аўтар шматлікіх тэатральных, тэлевізійных і кінематаграфічных пастановак. Сярод самых вядомых яго кінапрац - сцэнары да фільмаў «Бразілія» Тэры Гiлiама і «Закаханы Шэкспір» Джона Мэдзіі, за які ён атрымаў «Оскар». У ліку апошніх работ Стопарда - сцэнар экранізацыі «Ганны Карэнінай» 2012 года, а таксама серыял «Канец параду» з Бенедыктам Камбербэтчем у галоўнай ролі.
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога6
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары