У фінале футбольнай Лігі чэмпіёнаў 25 мая згуляюць два нямецкія клубы.
Сёння вечарам «Баварыя» ў гасцях перамагла «Барселону» з лікам 3:0 (Робен, 49, Піке, 71-аўтагол, Мюлер, 75).
Нагадаем, што тыдзень таму ў Мюнхене баварскі клуб разграміў каталонцаў з лікам 4:0, агульны лік 7:0.
Першы паўфіналіст вызначыўся ў аўторак: па суме двух матчах «Барусія» Дортмунд перамагла «Рэал» — 4:1, 0:2.
Такім чынам фінал будзе нямецкім: «Баварыя» Мюнхен — «Барусія» Дортмунд. Ён пройдзе 25 мая (гэта будзе субота) ў Лондане, на знакамітым «Уэмблі».
«Баварыя» перамагала ў Лізе чэмпіёнаў чатыры разы: 1974, 1975, 1976, 2001. «Барусія» ў 1997 г.
Нагадаем, таксама, што «Баварыя» была супернікам БАТЭ па групавым турніры Лігі чэмпіёнаў, і беларускі клуб перамог у Мінску 2 кастрычніка з лікам 3:1 (Паўлаў, 23, Радзівонаў, 78, Брэсан, 90+4— Рыберы, 90+1),
у Мюнхене 5 снежня баварцы ўзялі рэванш — 4:1 (Гомес, 22, Мюлер, 54, Шакіры, 65, Алаба, 83 — Філіпенка, 89).
Вы за каго: «Баварыя» ці «Барусія»?
Апытанка
Цяпер чытаюць
Сакратар Рады бяспекі заклікаў беларусаў устрымацца ад паездак у Расію8
Каментары