Група чачэнцаў пераблытала Беларусь з Літвой і прасіла тут прытулку
Чарговая няўдалая спроба жыхароў Чачні легальна патрапіць у Еўрасаюз зафіксавана ў мінулыя выходныя на беларуска-літоўскай мяжы.
Як паведамілі ў прэс-цэнтры Дзяржаўнага пагранічнага камітэта Беларусі, раніцай 4 мая ў пункце пропуску «Гудагай-1» пры афармленні на выезд цягніка маршрутам Масква — Вільнюс на перон з саставу выйшлі 22 грамадзяніны Расіі — сямёра дарослых і 15 дзяцей (адно грудное), усе — жыхары Чачні. Прыняўшы беларускага памежніка за літоўскага, яны сталі прасіць прыстанішча ў Літве. Аднак разабраўшыся, што яшчэ не пераехалі мяжу ў ЕС, выказалі намер прадоўжыць шлях у літоўскім напрамку.
Вечарам пяць сем'яў селі на цягнік да Вільнюса. Праз некалькі гадзін з 22 чалавек 16 былі вернутыя літоўскім бокам назад. Цяпер тыя, каму «не пашанцавала» ў Літве, плануюць праз Брэст трапіць у ЕС, каб прасіць статус бежанца.
Як адзначылі ў Дзяржпагранкамітэце, гэтая сітуацыя стала ўжо стандартнай. Штогод каля 30 тысяч выхадцаў з Каўказа прыбываюць у Беларусь, каб перабрацца ў Літву, Латвію або Польшчу для атрымання статусу бежанца. Часам цэлымі сем'ямі яны шматразова спрабуюць афіцыйна ўехаць у ЕС. Аднак крытэрыям, што прад'яўляюцца Еўропай да статусу бежанца, адпавядаюць далёка не ўсе. Калі заканчваюцца сродкі пасля серыі няўдалых спроб, прыкладна кожны дзясяты чачэнец пачынае шукаць магчымасць незаконнага перасячэння мяжы.
-
Міліцыя выклала сваю версію, чаму хлопец, які зрабіў заўвагу турысту за недакурак у цэнтры Мінска, правёў ноч у аддзяленні
-
Выйшла калектыўная манаграфія пра сучасную Беларусь на англійскай мове
-
«Як ацалець у няштатнай сітуацыі». 24 верасня ў Беларусі пройдзе агульнанацыянальны дзень інфармавання пра бяспеку
Каментары