У ЗША пачынаецца суд над вайскоўцам, які выдаў Wikileaks сакрэтныя дакументы
25-гадовага шарагоўца Мэніга могуць асудзіць на 154 гады турмы.
У панядзелак перад судом ваеннага трыбунала ў Фортмідзе ў штаце Мэрыленд паўстане шараговец амерыканскай арміі Брэдлі Мэнінг па абвінавачванні ў перадачы сакрэтных ваенных дакументаў сайту Wikileaks, паведамляе
Абвінавачванне абвяшчае, што ў 2009 і 2010 гг. Мэнінг перадаў сайту 250 тысяч копій дыпламатычных пасланняў і 500 тысяч вайскоўцаў справаздач аб сітуацыі ў Афганістане і Іраку.
Ён прызнаў сябе вінаватым па 10 з 22 пунктаў абвінавачання, але адхіляе самае сур’ёзнае з іх — абвінавачанне ў дапамозе ворагу.
Гэтая ўцечка сакрэтнай дакументацыі лічыцца самай маштабнай у гісторыі ЗША.
Калі яго прызнаюць вінаватым па найбольш сур’ёзных пунктах абвінавачання,
Мэнінг, які быў арыштаваны ў маі 2010 года ў Іраку, не адмаўляе перадачы дакументаў. У лютым ён заявіў суддзям, што раскрыў дакументацыю з мэтай прастымуляваць грамадскае абмеркаванне знешняй і абароннай палітыкі ЗША.
Аднак бок абвінавачання, які прадстаўляе ўрад ЗША, сцвярджае, што ўцечка дакументацыі нанесла шкоду нацыянальнай бяспецы і паставіла пад пагрозу жыццё амерыканскіх салдат.
Адзін з перададзеных Мэнінгам дакументаў уяўляе сабой зроблены на борце баявога верталёта відэазапіс налёту на прыгарад Багдада, падчас якога ў 2007 годзе былі забітыя 12 чалавек, у тым ліку фатограф агенцтва Рэйтэр.
«Найбольш абуральным ў гэтым запісе для мяне стала тое задавальненне і прага крыві, якія гучалі ў галасах членаў экіпажа верталёта», — заявіў Мэнінг ў ходзе папярэдняга слухання, параўнаўшы пілотаў з дзецьмі, якія катуюць мурашоў пад павелічальным шклом.
На судзе, як чакаецца, выступяць дзясяткі сведак.
У выпадку абвінаваўчага прысуду з тэрмiну турэмнага зняволення, якім бы ён ні быў, Мэнінгу аднімуць 112 дзён. Гэта будзе зроблена ў сувязі з тым, што суддзя прызнаў факт жорсткага абыходжання з шараговым на працягу яго дзевяцімесячнага знаходжання ў ваеннай турме пасля арышту.
Каментары