СК пацвердзіў інфармацыю пра крымінальную справу супраць баранавіцкага чыноўніка
Намесніку старшыні Баранавіцкага гарвыканкама пагражае ад 3 да 10 гадоў пазбаўлення волі.
Упраўленне Следчага камітэта па Брэсцкай вобласці 14 чэрвеня пацвердзіла інфармацыю пра крымінальную справу ў дачыненні да намесніка старшыні Баранавіцкага гарвыканкама.
Як паведаміў карэспандэнту «IP» афіцыйны прадстаўнік упраўлення Руслан Макарук, справа распачата па ч. 3 арт. 426 КК РБ (перавышэнне ўлады або службовых паўнамоцтваў), якая прадугледжвае пазбаўленне волі на тэрмін ад 3 да 10 гадоў з канфіскацыяй або без канфіскацыі маёмасці з пазбаўленнем права займаць пэўныя пасады або займацца пэўнай дзейнасцю.
Па словах Макарука, чыноўнік, у службовыя паўнамоцтвы якога ўваходзіла вядзенне пытанняў гандлю і гарадскога штаба па спажывецкім рынку, падазраецца ў тым, што ў перыяд з чэрвеня 2012 па красавік гэтага года завалодаў без аплаты таварна-матэрыяльнымі каштоўнасцямі аднаго з гарадскіх гандлёвых аб'ектаў .
Паказваць, што гэта за краму і тавар, Афіцыйны прадстаўнік упраўлення адмовіўся назваць краму і тавар "у інтарэсах следства». Сума шкоды, нанесенай гандлёваму аб'екту высвятляецца.
Цяпер чытаюць
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю66
Каментары