Як паведамілі БелаПАН у пасольстве Швецыі, ад шведскага боку ў Мінск прыедуць пасол Усходняга партнёрства МЗС Марцін Хагстрэм і гендырэктар палітычнага дэпартамента МЗС Турб'ёрн Сульстром.
Польскі бок будуць прадстаўляць палітычны дырэктар міністэрства Яраслаў Браткевіч, упаўнаважаная міністра замежных спраў па справах Усходняга партнёрства Беата Пенкса і намеснік дырэктара Усходняга дэпартамента МЗС Конрад Паўлік, паведамілі ў пасольстве Польшчы.
Паводле папярэдняй інфармацыі, у дыпламатаў Швецыі і Польшчы запланаваны сустрэчы з прадстаўнікамі Міністэрства замежных спраў і Адміністрацыі прэзідэнта.
Пра тое, што напярэдадні саміту Усходняга партнёрства ў Вільні адбудзецца такая паездка, паведамілі міністры замежных спраў Польшчы Радаслаў Сікорскі і Швецыі Карл Більт у сумесным артыкуле, апублікаваным 21 кастрычніка ў шэрагу СМІ.
Напачатку паведамлялася, што Сікорскі, Більт і іншыя высокапастаўленыя прадстаўнікі Польшчы і Швецыі перад самітам маюць намер наведаць сталіцы дзяржаў УП — Кішынёў, Кіеў, Тбілісі, Баку, Ерэван і Мінск.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам10
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў77
Каментары