Беларусь у студзені—жніўні пералічыла ў расійскі бюджэт 2 млрд. 476,5 млн. даляраў экспартных пошлін на нафтапрадукты.
У жніўні Беларусь пералічыла ў расійскі бюджэт у выглядзе пошлін 262,3 млн даляраў, у ліпені — 301,1 млн даляраў, у чэрвені — 246 млн даляраў, у маі — 286,2 млн даляраў, у красавіку — 301,7 млн даляраў, у сакавіку — 414,8 млн. даляраў, у лютым — 321,9 млн даляраў, у студзені — 342,4 млн даляраў.
Як паведамлялася раней, Беларусь атрымлівае ў межах Мытнага саюза з Расіі нафту без выплаты пошліны, аднак пералічвае ў расійскі бюджэт вывазную пошліну за экспартаваныя нафтапрадукты, вырабленыя з гэтай нафты.
У першай палове кастрычніка Аляксандр Лукашэнка заявіў, што ў гадавым выражэнні Беларусь пералічвае ў расійскі бюджэт прыкладна 4 млрд. даляраў у выглядзе нафтапошлін.
«Мы пералічваем у бюджэт Расіі толькі за нафтапрадукты, вывезеныя на Захад, 4 мільярды даляраў. А калі б яны засталіся ў краіне? Я б пабудаваў тут Эміраты», — падкрэсліваў Лукашэнка.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў43
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары