Сальда замежнага гандлю таварамі за студзень—верасень 2013 года склала мінус 3 млрд 263 млн долараў, паведамляе Белстат. У студзені—жніўні гэты паказчык складаў мінус 2 млрд 779 млн долараў. Такім чынам, за адзін месяц адмоўнае сальда вырасла на 484 млн долараў.
У студзені—верасні 2012 года сальда замежнага гандлю таварамі было станоўчым і складала 1 млрд 482 млн. долараў.
Экспарт беларускіх тавараў за дзевяць месяцаў гэтага года скараціўся на 21,3% у параўнанні з аналагічным перыядам мінулага і склаў 28 млрд 557 млн долараў. Імпарт паменшыўся на 8,6% да 31 млрд 821 млн долараў.
Дэфіцыт знешняга гандлю таварамі назіраецца, у прыватнасці, з краінамі СНД (3949 млн долараў), у тым ліку партнёрам Беларусі па Мытным саюзе і ЕЭП Расіяй — мінус 4525 млн долараў.
Экспарт у краіны СНД скараціўся на 1,6% (да 17 294 млн долараў) у параўнанні са студзенем—вераснем 2012 года, імпарт — на 19,4% (да 18 821 млн).
Што датычыцца краін МС і ЕЭП, то тавараабарот з Расіяй паменшыўся на 11,1% (да 26 645 млн долараў), экспарт жа павялічыўся на 5,8% (да 12 560 млн долараў).
Станоўчым сальда замежнага гандлю таварамі застаецца з Казахстанам (577 млн долараў) і краінамі ЕС (666 млн долараў). Летась за аналагічны перыяд сальда ў гандлі з ЕС складала плюс 8 396 млн долараў. Разам з тым тавараабарот з Казахстанам паменшаў на 4,2% (да 702 млн долараў), экспарт застаўся на ўзроўні мінулага года, а імпарт стаў меншы на 32,9%.
Тавараабарот з краінамі ЕС скараціўся на 25,1% (да 15 991 млн долараў). Экспарт паменшаў на 44% (да 8 329 млн), імпарт вырас на 18,3% (да 7 663 млн долараў).
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава7
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4848
Каментары