«Нафтагаз Украіны» з 8 лістапада спыніў закупку газу ў «Газпрома», паведамляюць СМІ Украіны і Расіі, спасылаючыся на расійскае Цэнтральнае дыспетчарскае ўпраўленне паліўна-энергетычнага комплексу (ЦДУ ЕЭК).
Паводле інфармацыі ЦДУ ТЭК, у кастрычніку ўкраінская дзяржкампанія атрымала 3,2 мільярда кубаметраў расійскага паліва, або ў сярэднім па 104 мільёны кубаметраў у суткі.
6-7 лістапада закупкі газу скараціліся да 9 мільёнаў кубаметраў у суткі, а з 8 лістапада спыніліся.
7 лістапада віцэ-прэм'ер Украіны Юры Бойка заяўляў, што «Нафтагаз» знізіў закупкі газу «Газпрома» ў чатыры разы. Адначасова «Нафтагаз Украіны» разлічыўся з расійскім «Газпромам» за пастаўкі прыроднага газу ў кастрычніку, паведаміў міністр энергетыкі і вугальнай прамысловасці Украіны Эдуард Ставіцкі. «Аплацілі.
Скажу 20 лістапада, калі дакладныя дадзеныя ўсё збяром, але аплацілі», —адказаў Ставіцкі на пытанне пра тое, колькі «Нафтагаз» імпартаваў у кастрычніку і на якую суму.
У канцы кастрычніка кіраўнік «Газпрома» Аляксей Мілер паведаміў, што ўкраінскі бок не заплаціў за газ, пастаўлены ў жніўні, завінаваціўшыся расійскай кампаніі 882 млн даляраў, і прапанаваў перайсці на перадаплатную сістэму паставак газу на Украіну.
У верасні прэзідэнт Віктар Януковіч заявіў, што Украіна будзе працягваць скарачаць закупкі расійскага газу, калі не дасягне кампрамісу з Расіяй.
У чацвер, 7 лістапада, прадстаўнік «Газпрома» Сяргей Купрыянаў заявіў, што за кастрычніцкія пастаўкі «Нафтагаз Украіны» павінен «Газпрому» 1,355 мільярдаў даляраў, паведамляе ўкраінскае агенцтва УНІАН.
Аднак, паводле крыніцаў УНІАН у «Нафтагазе Украіны», Украіна заплаціць «Газпрому» за кастрычніцкія пастаўкі толькі 15 мільёнаў даляраў, бо гэта адпавядае аб'ёмах газу набытага ў Расіі за гэты месяц.
Цяпер чытаюць
«У палітыцы была справа». Лукашэнка высветліў, чаму беларусам не хапіла бульбы5
Каментары