Учора ўвечары, 5 снежня, памёр знаны гродзенскі мастак Зміцер Іваноўскі (нар. у 1957 г.).
Паводле папярэдняй інфармацыі, прычынай сталі праблемы з сэрцам.
«Ён быў незвычайным чалавекам, спалучаў у сабе выдатнага творцу і неабыякавага грамадзяніна, — кажа журналіст Андрэй Пачобут.
— Ягоныя карціны станавіліся класікай як толькі з’яўляліся. Да таго ж ён меў актыўную грамадскую пазіцыю — можна сказаць, узначаліў страйкі прадпрымальнікаў у 2000-х.
Людзі з рынкаў тады прыйшлі да яго, хоць ён і не меў дачынення да прадпрымальнікаў, але вырашыў іх падтрымаць. Ён перажыў шмат арыштаў, як толькі ў Гродна адбывалася нейкая акцыя, Змітра сажалі на суткі. Нейкі час таму ён з'ехаў на вёску. Яму там падабалася. Тыдзень таму тэлефанаваў і запрашаў яго наведаць».
Карціны Змітра Іваноўскага сталі часткай гісторыі незалежнай Беларусі.
«Ён шмат працаваў на гістарычныя тэмы, - кажа спадар Пачобут. – Стварыў мадэль Фары Вітаўта за хвіліну да выбуху. Ягоная карціна, створаная перад рэферэндуму, дзе стаіць хлопчык з бел-чырвона-белым сцягам, тады прайшло па ўсіх газетах. Для Гродна гэта вельмі вялікая страта».
-
У Заслаўі над руінамі брамы XVI стагоддзя пабудуюць навес. Што вядома пра ўнікальны аб'ект і чаму прапанаваны праект — бессэнсоўны і шкодны
-
На могілках у Мінску знеслі старыя крыжы і агароджы. Замест іх ставяць безаблічныя бетонныя падгалоўнікі
-
Да саракавінаў памяці Святланы Курс апублікавана раней не друкаванае яе эсэ «СССР як калыска і магіла»
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»31
Каментары