Кіраўнік МЗС РФ Сяргей Лаўроў заявіў, што цяпер паступае інфармацыя аб падрыхтоўцы новых правакацый супраць Чарнаморскага флоту РФ на тэрыторыі Украіны, паведамляюць ria.ru.
«Паступае інфармацыя аб падрыхтоўцы новых правакацый, у тым ліку супраць Чарнаморскага флоту Расійскай Федэрацыі на тэрыторыі Украіны», — паведаміў Лаўроў, выступаючы ў панядзелак на сесіі Рады па правах чалавека ААН у Жэневе.
«У такіх умовах законна абраныя ўлады Крыма звярнуліся да прэзідэнта Расіі з просьбай аказаць садзейнічанне ў аднаўленні спакою ў гэтай аўтаномнай рэспубліцы. Зварот у поўнай адпаведнасці з расійскім заканадаўствам быў накіраваны ў Савет Федэрацыі. Савет Федэрацыі падтрымаў дадзены зварот, які, мы спадзяемся, працьверазіў радыкалаў. Паўтару, гаворка ідзе аб абароне нашых грамадзян і суайчыннікаў, аб абароне самага галоўнага права чалавека — права на жыццё», — сказаў Лаўроў.
«Тыя, хто спрабуюць трактаваць бягучую сітуацыю ва Украіне ці ледзь не як нейкую агрэсію, пагражаюць разнастайнымі санкцыямі і байкотам — гэта тыя ж самыя нашы партнёры, якія паслядоўна і настойліва заахвочвалі блізкія ім палітычныя сілы да ультыматуму, адмовы ад дыялогу, да ігнаравання заклапочанасцяў поўдня і усходу Украіны і ў выніку — да палярызацыі ўкраінскага грамадства», — дадаў кіраўнік МЗС РФ.
Як вядома, у 1938-1939 гадах нямецкая прапаганда вінаваціла чэхаў і палякаў у правакацыях на мяжы і абвінавачвала іх ва ўціску нямецкамоўнага насельніцтва.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў9
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары