Урад Расіі разглядае праект пастановы, якая забароніць расійскім дзяржаўным медыцынскім установам набываць медычныя тавары, вырабленыя за межамі Расіі, Беларусі ці Казахстана. Таксама прапануецца забараніць набываць тавары медыцынскага прызначэння, у якіх доля імпартных складнікаў большая за 50%.
У дакуменце пазначана, што падобныя захады накіраваныя на «абарону ўнутранага рынку Расійскай Федэрацыі».
Пералік тавараў, што падпадаюць пад абарону, вельмі шырокі. У яго ўваходзяць як сурвэткі, робы і шпрыцы, так і складаная медтэхніка: тамографы, апараты рэнтгенаграфіі і абсталяванне для рэанімацыі.
Верагодна, такім чынам Расія адказвае на магчымыя і ўжо ўведзеныя санкцыі Захаду.
Варта адзначыць, што расійскія ўлады ўжо неаднаразова выказвалі гатоўнасць ахвяраваць здароўем і дабрабытам уласных грамадзян дзеля «сіметрычнага адказу» на санкцыі. Так, у 2012 годзе Расія забараніла ЗША усынаўляць расійскіх дзяцей. Афіцыйна гэта тлумачылася смерцю прыёмнанага дзіцяці Дзімы Якаўлева ў амерыканскай сям'і. Аднак многія лічаць закон адказам на «Спіс Магніцкага», па якім многім высокім расійскім чыноўнікам быў забаронены ўезд у ЗША.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары