Выбарчыя ўчасткі па выбарах прэзідэнта Украіны 25 мая будуць адкрыты ва ўкраінскім пасольстве ў Мінску і генеральным консульстве ў Брэсце, паведамляе сайт украінскага дыппрадстаўніцтва.
Межы выбарчага ўчастку, утворанага на тэрыторыі пасольства, уключаюць Мінск, Віцебскую, Гомельскую, Мінскую і Магілёўскую вобласці, участку на тэрыторыі генеральнага консульства — Брэсцкую і Гродзенскую вобласці. Участкі будуць працаваць з 8 да 20 гадзін.
Удзел у галасаванні могуць прыняць грамадзяне Украіны, уключаныя ў спіс выбаршчыкаў на падставе дзеючага пашпарта грамадзяніна Украіны. У дзень выбараў галасаванне будзе ажыццяўляцца па замежных пашпартах, паведамляе сайт пасольства.
У спісы для галасавання на выбарах прэзідэнта Украіны ўключана каля 12 тысяч украінскіх грамадзян, якія пражываюць або часова знаходзяцца ў Беларусі. Мяркуецца, што сем тысяч украінцаў змогуць прагаласаваць у Мінску і пяць тысяч — у Брэсце, паведамілі ва ўкраінскім дыппрадстаўніцтве.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары