Гурт Tonqixod прадстаўляе на Tuzin.fm сінгл «Вяселле», у якім тлумачыцца як найлепей павіншаваць маладых і што падарыць на дзень вяселля.
«Вяселле» – другая запісаная песня Tonqixod, якая папярэднічае выхаду дэбютнага альбому гурту.
Першы сінгл «Насыпаць горы» быў прэзэнтаваны пры канцы мінулага году і атрымаў станоўчыя водгукі ад слухачоў, перамог у чарце на Tuzin.fm, вакол песні нават скандал адбыўся.
Рэліз новай кампазіцыі музыкі невыпадкова прызначылі на чэрвень. «Напярэдадні лета, гарачай вясельнай пары, калі многія пары ў Беларусі бяруць шлюб, мы вырашылі падарыць слухачам адпаведную святочную кампазіцыю. Мяне асабіста неаднойчы запрашалі на вясельлі і гэта заўсёды вялікае пытаньне, як жа правільна павіншаваць маладых, колькі падарыць. Гэтая песня – спроба адказу», – кажа вакаліст каманды Уладзь Лянкевіч.
Кампазыцыя запісвалася разам з гукарэжысэрам Паўлам Някрасавым і самастойна, а зводзіў яе Канстанцін Пыжоў.
Гурт Tonqiхod гатовы на поўным сур’ёзе сыграць на сапраўдным вясельлі, калі паўстане такая патрэба. «Наш гурт выконвае музыку для багатых і адважных. Суправаджэнне ўрачыстых цырымоній – гэта цалкам нашая дзялянка, так што мы заўжды гатовыя», – кажа Уладзь.
Дэбютны альбом Tonqiхod мяркуе выдаць увосень. Таксама гурт рыхтуе сваё бачанне аднаго з шэдэўраў ансамблю «Песняры» для праекту «Re:Песьняры».
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах48
Каментары