Сярэдні кошт будаўніцтва жылля з дзяржаўнай падтрымкай у першым квартале 2014 года складаў 6,6 млн рублёў за квадратны метр, паведаміў начальнік упраўлення жыллёвай палітыкі Міністэрства архітэктуры і будаўніцтва Аляксандр Горваль 23 ліпеня на прэс-канферэнцыі ў Мінску.
«Але туды ўвайшлі і дамы, якія здадзеныя па 12 млн рублёў за метр, і дамы, якія здадзеныя за 4 млн рублёў. А ўсе новыя дагаворы заключаюцца па актуальных цэнах. Таму нічога няма дзіўнага, калі цяпер гавораць пра 9, 10, 12 млн рублёў за квадратны метр пры заключэнні дагавораў», — сказаў ён.
Горваль адзначыў, што росту цэн на будаўніцтва жылля ёсць аб'ектыўныя прычыны, прычым трэба браць да ўвагі рост цэн у рублях, а не ў доларах.
«У нас ёсць скажонае ўяўленне пра балансіроўку змены вартасных параметраў у рублях і доларах. Гэта несупастаўныя рэчы. Беларускія рублі — гэта аб'ектыўная рэальнасць, а долар — штучная пабудова. Трэба параўноўваць у беларускіх рублях», — сказаў ён.
Паводле слоў Горваля, рост цэн адбываецца проста: «Інфляцыя нам вядомая, вынікі эканамічнай дзейнасці, блізкія да нулю прыросту, нам вядомыя, рост заработнай платы дзесьці адбываўся і таксама націснуў на інфляцыю схаваную і гэтак далей».
Акрамя таго, сказаў ён, «методыка індэксацыі ў будаўніцтве змянілася, стала бліжэйшай да рэалій, бо раней індэксы будмантажу ўстанаўліваліся валявым спосабам, каб стрымліваць кошт». «Цяпер індэксы падраслі. Усё гэта прывяло да таго, што цана будаўніцтва расце», — паведаміў ён.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары