Міністэрства па надзвычайных сітуацыях Беларусі па існуючай традыцыі правядзе ў Мінску парад у гонар Дня пажарнай службы, паведамілі ў прэс-службе МНС.
Дзень пажарнай службы адзначаецца 25 ліпеня, а парад адбудзецца ў бліжэйшы да свята выхадны — 26 ліпеня. «Урачыстыя мерапрыемствы пройдуць у Цэнтральным парку імя Горкага. Яны пачнуцца з ускладання кветак да помніка на плошчы Перамогі. У 11.00 ад будынка цырка да плошчы Перамогі пройдзе парад падраздзяленняў па надзвычайных сітуацыях», — таксама растлумачылі ў міністэрстве. Пасля парада ўсіх гасцей свята запросяць у парк, дзе пройдуць паказальныя выступленні ўзвода ганаровай варты Камандна-інжынернага інстытута МНС.
На Свіслачы будзе арганізаваны парад плаўсродкаў МНС, у парку імя Горкага адбудзецца святочны канцэрт, будзе дэманстравацца спецтэхніка падраздзяленняў МНС. Для дзяцей прадугледжаны спартыўныя і забаўляльныя конкурсы і да т.п.
Розныя святочныя мерапрыемствы запланаваны і ў абласных цэнтрах, а таксама вялікіх гарадах Мінскай вобласці. Напрыклад, 25 ліпеня ў Брэсце адкрыюць скульптурную кампазіцыю (на вуліцы Гогаля), якая прысвечана ратавальнікам-пажарным. У той жа дзень у Барысаве ў гарадскім палацы культуры чарговае папаўненне МНС прыме прысягу.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары20
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары