«Учора адбылася Гільдыя півавараў і адным з пытанняў было, ці жадаем мы адраджэння піўных фэстаў, — паведаміў на прэс-канферэнцыі 30 ліпеня генеральны дырэктар ААТ «Піўзавод» Аліварыя «Дзяніс Шарсценнікаў. — Было выказана агульнае меркаванне, усе хочуць, каб такія святы былі і іх трэба рыхтаваць, трэба іх планаваць, каб была добрая арганізацыя. Яны патрабуюць сур'ёзных затрат».
Шарсценнікаў лічыць, што фестывалі будуць праводзіцца, пытанне толькі — калі. Такім фестывалям неабходна падтрымка мясцовых уладаў, адзначыў ён.
На думку гендырэктара, «піўныя фэсты не толькі дапамагаюць вытворцам, але яшчэ і паказваюць людзям, як трэба піць піва, з чым яго піць, распавядаюць пра гатункі. Па сутнасці, фестывалі прышчапляюць правільную культуру спажывання піва», — лічыць гендырэктар піўзавода.
«Я асабіста толькі за. Вельмі хачу, каб фэсты праходзілі не толькі ў Мінску, але і ў многіх іншых гарадах, каб адбываліся такія святы, арганізаваныя піваварамі, прычым не толькі буйнымі прадпрыемствамі, але і мясцовымі невялікімі піваварнямі», — сказаў Шарсценнікаў.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў13
Каментары