Камандзір батальёна «Данбас»: Здраднікі за 70—100 тысяч даляраў «здаюць» маршруты перамяшчэння
Камандзір батальёна «Данбас» Сямён Сяменчанка заявіў у інтэрв'ю ЛІГАБізнесІнформ, што сярод афіцэраў АТА ёсць здраднікі.
«Праблема здрады існуе. Вядомыя сумы, якія выплачваюцца — $70—100 тысяч за «здадзены» маршрут, за каманду выйсці ў вызначаны раён. Я не гатовы называць прозвішчы — я не контрразведчык, я не ведаю. Але гэтая праблема існуе, бо ёсць рэчы, якія нічым іншым растлумачыць нельга «, — сказаў Сяменчанка.
Паводле яго, некампетэнтныя людзі сустракаюцца і сярод генералаў.
«Ёсць рэальныя баявыя генералы, працаваць з якімі прыемна. А ёсць непісьменныя ідыёты, якія загадваюць ўсталяваць сцяг да пэўнай даты, забараняюць рабіць разведку — маўляў, што там глядзець!?» — распавёў Сяменчанка.
Акрамя таго, паводле яго, батальён «Данбас», які ўваходзіць у структуру МУС, адчувае недахоп цяжкага ўзбраення з-за таго, што яго не хоча выдаваць Мінабароны.
«Хутчэй за ўсё таму, што не хоча падняць сваю ж*пу. Кожная выдача павінна быць у адпаведнасці з законам ўзгодненая ў іншых інстанцыях. Але гэта ў мірны час, а зараз вайна.
Думаю, калі б Автомайдан прыехаў, выдаў гэтым хлопцам у кабінетах пі***ей, прымусіў бегаць — усё гэта можна было б зрабіць за адзін дзень. Ды і міністр абароны таксама мог бы пакараць пару разоў вінаватых.
Але пакуль што яны сядзяць і нічога не хочуць рабіць «, — распавёў ён.
Сяменчанка дадаў, што ёсць таксама праблема з каскамі і бронекамізэлькамі, якія ўлада таксама ня перадае батальёну.
«Трэцяя праблема — вельмі нізкая зарплата. Мне асабіста ўсё роўна. Але што такое для байцоў 980 грыўняў?
Вось нам сказалі, што павінны плаціць нейкія АТОшныя 3 тыс. грыўняў. Але ў законе гэтага няма, бо там усё катэгорыі улічаны, акрамя рэзервістаў. А мы і ёсць рэзервісты» — сказаў ён.
-
Папулярнага рэпера Navai затрымалі пры ўездзе ў Казахстан з наркотыкамі
-
«Ніхто не адніме у мяне права памерці рускім. Слава Расіі!» — перадсмяротнае паведамленне сына расійскага апазіцыянера Гудкова
-
Трамп запосціў жартаўлівы ролік па матывах нападу тыгра на чалавека ў брытанскім заапарку. Сваякі загінулага абураныя
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам19
Каментары