Учора ў Канстанцінаўцы спецгрупай МУС пасля жорсткага збройнага супраціву быў затрыманы асабісты ахоўнік тэрарыста Гіркіна. Пра гэта паведаміў дарадца кіраўніка МУС Антон Герашчанка на сваёй старонцы ў Facebook.
«Думаю, што зараз мы даведаемся таямніцу знікнення Стралкова-Гіркіна і шмат іншых падрабязнасцей аб злачынствах тэрарыстаў пачынаючы з захопу Славянскага гараддзела міліцыі, а можа і больш ранніх падзей», — піша ён.
Дарадца Авакава адзначыў, што затрыманне тэрарыста адбывалася ва ўмовах жорсткага супраціўлення.
«Учора раніцай група затрымання з лепшых байцоў спецпадраздзялення «Сокал» выехала на месца затрымання — вышынны жылы дом у спальным масіве ў Канстанцінаўцы. Падняўшыся на 7-ы паверх пазванілі ў дзверы, прадставіўшыся камунальнай службай на прадмет праверкі лічыльнікаў. Аднак тэрарыст адчуў, што па яго прыйшлі зусім не камунальнікі і адкрыў агонь з аўтамата праз дзверы», — піша Герашчанка.
Супрацоўнікі міліцыі адкрылі агонь у адказ і паранілі тэрарыста ў плячо, пасля чаго выбілі дзверы і затрымалі параненага тэрарыста.
«Заўважу, што тэрарыст быў у стане моцнага алкагольнага ап'янення», — гаворыцца ў паведамленні.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары