Праз Беларусь ажыццяўляецца рээкспарт забароненых да ўвозу ў Расію тавараў з Еўрасаюза, заявіў Уладзімір Пуцін 26 жніўня ў Мінску падчас сустрэчы кіраўнікоў краін Мытнага саюза з прэзідэнтам Украіны Пятром Парашэнкам і прадстаўнікамі ЕС.
Паводле слоў Пуціна, рээкспарт забароненых тавараў праз Украіну пасля ратыфікацыі пагаднення аб асацыяцыі з ЕС можа быць у дзясяткі разоў большы. «У нас нават у рамках Мытнага саюза ўжо сёння ідзе забаронены сёння да ўвозу на тэрыторыі Федэрацыі з краін ЕС рээкспарт, у гэтым выпадку праз Беларусь», — заявіў ён.
Ён падкрэсліў, што экспарцёры часта проста зрываюць з тавару наклейку, дзе ўказана краіна паходжання тавару, і наклейваюць новую. «Вось, падпісана: краіна паходжання — Беларусь. Наклейку сарвалі — Польшча», — сказаў Пуцін.
«Я ведаю, што кіраўніцтва Беларусі, прэзідэнт, стараюцца перашкодзіць гэтай негатыўнай практыцы, але ў нас з імі хоць бы ёсць пагадненне, з Украінай гэтага няма», — дадаў Пуцін.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары