На былым стадыёне ў Валожыне, дзе знайшлі парэшткі загінулых, будаваць дамы не будуць
Пра гэта заявіў начальнік аддзела ідэалагічнай работы, культуры і па справах моладзі Валожынскага райвыканкама Вікенці Адамовіч.
Колькі тыдняў таму выканкам ініцыяваў пачатак работ па раскопцы на месцы, дзе, па сведчаннях мясцовых жыхароў, у часы Другой Сусветнай расстралялі 200 яўрэяў.
«Неаднаразова да нас звярталіся грамадзяне з просьбай правесці археалагічныя даследаванні. Высветліць, ці сапраўды ў зямлі ляжаць астанкі людзей. Таму мы прынялі рашэнне пачаць раскопкі», — распавядае Вікенці Адамовіч.
Праводзіць іх спецыялізаваны пошукавы батальён.
«Дзясяткамі гадоў гэтыя спецыялісты займаюцца такімі працамі. Над імі ніхто не стаіць ды не назірае. Яны самі даюць заключэнне, што знайшлі ці не знайшлі», — тлумачыць спецыяліст.
Астанкі будуць перапахаваныя ва ўстаноўленым парадку, упэўнівае Вікенцій Адамовіч. Практыка не новая, таму ён раіць не верыць чуткам, што працэс раскопак ідзе з парушэннямі нормаў.
«Спачатку было дрэнна, што не вялі даследаванне. Цяпер дрэнна, што вядзём, – каментуе ён. – Адназначна, што на гэтым месцы будаваць дамы ніхто не будзе. Мы прапанавалі некалькі іншых участкаў на выбар».
На былым стадыёне ж, хутчэй за ўсё, з’явіцца алея памяці ахвярам фашызму.
«Парэшткі знайшлі. Як далей – пакуль невядома. Давайце не будзем бегчы наперадзе паравоза, а дачакаемся афіцыйнага заключэння», — сказаў Адамовіч.
Трагедыя ў Докшыцах: скончыла жыццё самагубствам 15-гадовая вясковая выдатніца1
Каментары