Уступіў у сілу прысуд Магілёўскага аблсуда па крымінальнай справе аб забойстве з асаблівай жорсткасцю дзвюх асоб
Як паведамляе Генеральная пракуратура Беларусі, прысудам судовай калегіі па крымінальных справах Магілёўскага абласнога суда асуджаны да пажыццёвага зняволення жыхар Глускага раёна за здзяйсненне забойства з асаблівай жорсткасцю дзвюх асоб, у тым ліку малалетняга дзіцяці.
У часе судовага разбору высветлена, што абвінавачаны ў пачатку верасня 2013 года ў гарадскім пасёлку Глуск падчас сваркі са сваёй сужыцелькай на глебе вызначэння яго бацькоўства ў дачыненні да 3-месячнай дзяўчынкі збіў жанчыну, звязаў яе вяроўкай, змясціў разам з дзіцем у мех, вывез на аўтамабілі і закапаў каля будынка фермы.
Паводле заключэння судова-медыцынскай экспертызы, смерць пацярпелых наступіла ад асфіксіі.
Віна абвінавачанага цалкам даказаная матэрыяламі папярэдняга і судовага следства, гаворыцца ў паведамленні Генпракуратуры.
Вярхоўным судом касацыйная скарга асуджанага пакінутая без задавальнення, прысуд уступіў у законную сілу.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары