Мінская епархія Беларускай праваслаўнай царквы будзе ператворана ў Мінскую мітраполію. Пра гэта паведамляе прэс-служба Беларускага экзархата.
23 кастрычніка 2014 г. адбылося чарговае пасяджэнне Сінода Рускай праваслаўнай царквы, у якім прыняў удзел Патрыяршы экзарх усёй Беларусі мітрапаліт Мінскі і Слуцкі Павел.
На пасяджэнні было прынята рашэнне аб утварэнні новых дыяцэзій Беларускай праваслаўнай царквы.
У межах Бярэзінскага, Барысаўскага, Крупскага, Лагойскага, Пухавіцкага, Смалявіцкага і Чэрвеньскага раёнаў Мінскай вобласці будзе ўтворана Барысаўская епархія. Архірэем Барысаўскім і Мар'інагорскім стане епіскап Барысаўскі Веніямін.
У межах Вілейскага, Валожынскага, Дзяржынскага, Маладзечанскага, Мядзельскага, Стаўбцоўскага і Уздзенскага раёнаў Мінскай вобласці будзе ўтворана Маладзечанская епархія. Епіскапам Маладзечанскім і Стаўбцоўскім стане архімандрыт Павел Цімафеенка.
У межах Клецкага, Капыльскага, Любанскага, Нясвіжскага, Слуцкага, Салігорскага і Старадарожскага раёнаў Мінскай вобласці будзе ўтворана Слуцкая епархія. Епіскапам Слуцкім і Салігорскім стане архімандрыт Антоній Даронін.
Мінская епархія ўтвараецца ў межах горада Мінска і Мінскага раёна.
Сінод пастанавіў утварыць ў межах горада Мінска, Мінскага раёна і Мінскай вобласці Мінскую мітраполію, якая ўключае Мінскую, Барысаўскую, Маладзечанскую і Слуцкую епархіі.
Яе кіраўніком прызначаны Патрыяршы экзарх усёй Беларусі Павел, які таксама будзе мець тытул мітрапаліт Мінскі і Заслаўскі.
Цяпер чытаюць
Полк Каліноўскага паведаміў пра гібель трох байцоў3
Каментары