Паколькі Еўрапейскі саюз дыктуе Венгрыі свае ўмовы, краіна можа перагледзець сваё сяброўства ў ЕС.
Пра гэта заявіў спікер венгерскага парламента Ласла Дыван.
Старшыня парламента сказаў, што калі Брусэль будзе ўказваць краіне, як трэба кіраваць, то ён стане падобны да Масквы ўзору 1989 года. І калі так, то Венгрыя можа пакінуць Еўрасаюз, але гэта горшы сцэнар, дадаў ён.
Пры гэтым сяброўства ў ЕС і НАТА для краіны не з'яўляецца праблемай, хоць «еўраатлантычны свет расхістаны ў маральным сэнсе».
Апазіцыйныя партыі і палітыкі Венгрыі асудзілі спікера за гэтыя заявы і заклікалі прэм'ер-міністра Віктара Орбана дысцыплінаваць Дывана. На іх думку, такая пазіцыя шкодзіць інтарэсам венгерскага народа і перакрэслівае 30-гадовыя намаганні Венгрыі. Таксама яны заклікалі Орбана вызначыцца: Масква ці Брусэль вызначае будучыню краіны.
Палітычныя сілы Еўрапарламента, якія прадстаўляюць у ім групу Дывана пагадзіліся з яго меркаваннем. «Ласла Дыван вельмі ясна выказаўся па праблемах функцыянавання Еўрасаюза, еўрапейскія каштоўнасці ад нас вельмі далёкія, мы самі павінны вызначацца адносна будучыні ў ЕС», — адзначыў член ЕП Тамаш Дойч.
Нагадаем, у апошні час венгерскі прэм'ер дэманструе падтрымку палітыкі прэзідэнта РФ Уладзіміра Пуціна.
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары