У Магілёве пакажуць унікальны даспех беларускага рыцара XVI ст. ФОТА
Ён загінуў у бітве з масквой.
4 лістапада ў «Музеі гісторыі Магілёва» пройдзе прэзентацыя ўнікальнага беларускага рыцарскага даспеха канца XV - пачатку XVI стст., знойдзенага на рацэ Віхра ўлетку 2013 года.
Гісторыя даспеха складаная і нават дэтэктыўная. Спачатку «чорныя капальнікі» знайшлі меч рацара, які і цяпер знаходзіцца ў руках невядомых. Потым мясцовыя жыхары знайшлі два фрагменты кірасы, а ў выніку шырокамасштабных экспедыцый археолага, доктара гістарычных навук І. Марзалюка сумесна з удзельнікамі дайв-клуба «Марскі пегас» былі знойдзены астатнія фрагменты рыцарскага даспеха. Па сваёй паўнаце і ступені захаванасці гэта унікальны артэфакт для ўсёй Усходняй Еўропы, аналагаў якому не існуе.
Прэзентацыя рыцарскага даспеху прызначаная на 4 лістапада невыпадкова - менавіта 4 лістапада 1501 года ў бітве пад Мсціславам загінуў абаронца нашай зямлі, парэшткі і даспех якога некранутымі праляжалі на рачным дне больш за 500 гадоў.
-
На польскім аўкцыёне за 700 еўра прадаюць старадаўнюю кнігу з беларускай парафіі. Як такія рарытэты могуць вывозіць за мяжу?
-
Выйшла кніга «Беларусы ў Латвіі (1918—1945)»
-
Вядомы партрэт Каганца аказаўся савецкім фэйкам, затое знайшлося адзінае фота археолага Татура. Разгаданыя фотатаямніцы Беларускага музея ў Вільні
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары