Жыткавіцкім раённым аддзелам Следчага камітэта распачата крымінальная справа па ч. 1 арт. 139 (забойства) Крымінальнага кодэкса РБ па факце выяўлення ў сваёй кватэры жанчыны з прыкметамі гвалтоўнай смерці.
Пра гэта паведамляе прэс-служба СК раніцай у панядзелак.
Паведамленне пра выяўленне трупа паступіла ў праваахоўныя органы ад мужа забітай. Следча-аператыўная група, якая прыбыла на месца здарэння, правяла агляд кватэры, падчас якога былі канфіскаваныя прылады злачынства, скрываўленае адзенне падазраванага і іншыя прадметы, якія маюць доказнае значэнне.
Супрацоўнікі крымінальнага вышуку Жыткавіцкага РАУС на працягу некалькіх гадзін затрымалі непаўналетняга.
Устаноўлена, што 28 лістапада прыкладна ў 15.30 11-класнік, знаходзячыся ў кватэры,
у ходзе сваркі са сваёй маці нанёс ёй не менш за пяць удараў кухоннай сякеркай у галаву і не менш за дзесяць удараў нажом у вобласць грудной клеткі і брушной поласці.
Ад атрыманых цялесных пашкоджанняў 39-гадовая жанчына памерла на месцы здарэння.
Падазраваны змешчаны ў ізалятар часовага ўтрымання. Ён прызнаўся ў зробленым. З яго удзелам праведзена праверка паказанняў на месцы здарэння з выкарыстаннем відэазапісу.
Вырашаецца пытанне пра абранне да яго меры стрымання ў выглядзе заключэння пад варту.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі67
Каментары