Тысячы супрацоўнікаў службаў бяспекі Францыі працягваюць пошукі братоў Саіда і Шэрыфа Куашы, якія ўдзельнічалі ў нападзе на рэдакцыю сатырычнага штотыднёвіка Charlie Hebdo ў Парыжы.
Раней два галоўныя падазраваныя ў нападзе на рэдакцыю Charlie Hebdo, як паведамляецца, абрабавалі аўтазаправачную станцыю на поўначы Францыі.
Паліцыя шукае падазраваных у населеных пунктах, размешчаных у лясной мясцовасці на паўночны ўсход ад Парыжа.
Паводле праваахоўных органаў, Саід Куашы ў 2011 годзе праходзіў у Емене баявую падрыхтоўку ў ісламістаў. Таксама высветлілася, што абодва браты былі ў спісе «неўязных» у ЗША.
Трэці падазраваны ў нападзе, 18-гадовы Амід Мурад, па паведамленнях прэсы, у чацвер вечарам па ўласнай ініцыятыве здаўся ў рукі паліцыі ў горадзе Шарлевіль-Мэзьер на паўночным усходзе краіны.
Каментары