Кіраўніцтва амерыканскай тэлесеткі Fox вядзе перамовы са стваральнікамі серыяла «Сакрэтныя матэрыялы» пра яго адраджэнне, паведамляе Daily Mail.
На галоўныя ролі плануецца прыцягнуць акцёраў арыгінальнага праекта - Дэвіда Духоўнага і Джыліян Андэрсан. Іншых дэталяў не прыводзіцца.
Як мяркуе выданне, асноўным цяжкасцю для працы над новым серыялам можа стаць занятасць акцёраў у іншых праектах. У прыватнасці, Духоўны зараз здымаецца ў шматсерыйным тэлешоў «Вадалей», а Андэрсан працягвае ўдзельнічаць у здымках серыяла «Ганібал».
Таксама актрыса адзначыла, што сумняваецца ў сваім удзеле ў праекце Fox. «Я жыву ў Лондане. У мяне трое дзяцей, а гэта сур'ёзная прапанова. Здымкі будуць доўжыцца значна даўжэй, чым у выпадку са звычайным фільмам. Мне трэба падумаць пра гэта», - прыводзіць яе словы Daily Mail.
Серыял «Сакрэтныя матэрыялы», створаны Крысам Картэрам, уваходзіць у лік найбольш паспяховых тэлевізійных праектаў за ўсю гісторыю індустрыі.
Па сюжэце, два агенты ФБР — Фокс Малдэр і Дана Скалі — спрабуюць пранікнуць у таямніцы урадавай арганізацыі, якая хавае ад чалавецтва інфармацыю аб кантактах з іншапланецянамі.
Першы эпізод серыяла з'явіўся на экранах у 1993 годзе.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары