Раскосмас паказаў альтэрнатыўную Сонечную сістэму ВІДЭА
Верагодна, расійскім навукоўцам і касманаўтам прыйдзецца адмовіцца ад палёту на Месяц, але ад мараў пра космас іх не адвучыць.
Тэлестудыя «Раскосмаса» прадставіла два відэаролікі, дзе паказвае, што было б у альтэрнатыўных версіях нашай Сонечнай сістэмы.
Калі б замест Сонца былі іншыя зоркі
Калі б замест Месяца былі іншыя планеты сонечнай сістэмы
Як распавёў «Нашай Ніве» намеснік начальніка тэлестудыі Раскосмаса Юрый Рубцоў, відэа у вольны час зрабіў Мікалай Удовін. Ролікі з альтэрнатыўнай гісторыяй Сонечнай сістэмы некамерцыйныя і зробленыя астраномам-аматарам дзеля ўласнага задавальнення.
«Гэта ўсё фантазія, але блізкая да рэальнасці. Вядомыя жа пэўныя памеры нябесных цел, вядомыя адлегласці», — тлумачыць Рубцоў.
Паводле яго слоў, Мікалай думае і аб іншых падобных праектах. Удовін — аўтар інтэрнэт-праграмы «Касмічнае асяроддзе» і сюжэтаў праграмы «Касманаўтыка» на тэлеканале «Расія-24». На сайце Раскосмаса можна знайсці фота Сонца і Месяца, што Мікалай здымае ў тэлескоп.
Тэлестудыя Раскосмаса займаецца прапагандай касманаўтыкі, касмічных даследаванняў. Ужо 10 гадоў стварае праграму «Касманаўтыка» і дакументальныя фільмы для тэлеканала «Расія-24», займаецца шэрагам інтэрнет-праектаў. «Космас далёка не вывучаны, але такім чынам мы паказваем, як ідзе вывучэнне ў Расіі і за мяжой», — кажа Рубцоў. Паводле яго слоў, тое, як утвараўся Сусвет, сёння ведае «толькі адна істота».
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары