Расійскі ваенторг «Военпро», акрамя звычайнага рыштунку, на хвалі расійскага патрыятызму распачаў продаж і даволі дзіўных тавараў.
У краме, акрамя копій існуючага медаля «За вяртанне Крыма» можна набыць і медалі «За ўзяцце Кіева», «За ўзяцце Львова», «За вызваленне Адэсы», «Удзельніку гуманітарнага канвою». Медаль каштуе ўсяго 499 расійскіх рублёў (каля 8 даляраў). Да медаля за можна набыць узнагароднае пасведчанне, якое запаўняецца самастойна.
«Военпро» таксама прапануе і «Калекцыю 2015 «Свет Наваросіі», якая «прысвячаецца ўсім тэрарыстам Паўднёвага Усхода». У калекцыю ўваходзяць бікіні і купальнікі «ДНР» і «Наваросія», розныя аксэсуары з сімволікай «ДНР» і «Наваросіі». Асобна варта вылучыць рулоны туалетнай паперы, пафарбаваныя ў колеры ўкраінскага сцяга.
На сайце «Военпро» паведамляецца, што ў краме прадстаўлены асартымент унікальных тавараў, якіх не знойдзеш у іншых месцах. Місія крамы заключаецца ў «папулярызацыя службы ва Узброеных сілах РФ і працы ў міністэрствах, ведамствах, спецслужбах, развіццё нацыянальнай самасвядомасці і гонару за гісторыю Расіі, прапаганда здаровага ладу жыцця».
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча2
Каментары